માછીમાર મહિલાઓના સશક્તિકરણ અને સ્વરોજગાર અંગે ચર્ચા ગોષ્ઠીનું આયોજન
(પ્રતિનિધિ દ્વારા, વ્યારા) : તા. ૦૨. સેન્ટર ઓફ એક્સેલન્સ ઇન એક્વાકલ્ચર, કામધેનુ યુનિવર્સિટી દ્વારા માછીમાર મહિલાઓના સશક્તિકરણ અને સ્વરોજગારની તકો વિષયક એક ચર્ચા ગોષ્ઠીનું આયોજન જૂની બાવલી ગામ ખાતે કરવામાં આવ્યું હતું.
આ ચર્ચા ગોષ્ઠીમાં કેન્દ્રના વૈજ્ઞાનિક બહાનો દ્વારા ઉપસ્થિત માછીમાર તથા ગ્રામ્ય મહિલાઓને વિવિધ વિષયો પર માર્ગદર્શન આપવામાં આવ્યું હતું.
ચર્ચા દરમિયાન ખાસ કરીને નીચેના મુદ્દાઓ પર વિગતવાર માર્ગદર્શન આપવામાં આવ્યું:
• મૂલ્યવર્ધિત માછલી ઉત્પાદનો કેવી રીતે બનાવી શકાય.
• માછલીનું સ્વચ્છ અને સુરક્ષિત હેન્ડલિંગ કેવી રીતે કરવું.
• માછલી વેચાણ અને માર્કેટિંગના નવા આયામો તથા આધુનિક માધ્યમોનો ઉપયોગ.
• મહિલા સ્વસહાય જૂથ (SHG) અને સહકારી મંડળીની સ્થાપના દ્વારા સામૂહિક વ્યવસાયની તકો.
• વિવિધ સરકારી યોજનાઓ અને તેના દ્વારા મળતી તાલીમ, સહાય તથા અન્ય લાભો અંગે માહિતી.
આ ચર્ચા ગોષ્ઠી દરમિયાન માછીમાર મહિલાઓ તથા ગ્રામ્ય મહિલાઓ સાથે તેમના સ્વરોજગાર, આર્થિક સશક્તિકરણ અને ભવિષ્યમાં માછીમારી આધારિત નાના ઉદ્યોગો શરૂ કરવાની સંભાવનાઓ અંગે પણ વિસ્તૃત ચર્ચા કરવામાં આવી હતી.
આ પ્રકારના કાર્યક્રમો દ્વારા મહિલાઓને આત્મનિર્ભર બનાવીને માછીમારી ક્ષેત્રમાં તેમની ભાગીદારી અને આવકમાં વધારો કરવાનો મહત્વપૂર્ણ પ્રયાસ કરવામાં આવી રહ્યો છે.
○○○
સૌથી મહત્વપૂર્ણ બાબતથી ચૂકશો નહીં.
👉🏻 ગુજરાત રક્ષા હમણાં જ ડાઉનલોડ કરો અને માહિતીની શક્તિથી સુરક્ષિત રહો !
________________
About The Author
