માંગરોળ તાલુકાનાં નાનીનરોલી ગામે બે શખ્સોએ એક વેપારીને ધમકી આપી દશ હજાર રૂપિયા ખંડણી પેટે લીધા
ફાઈલ તસ્વીર
(નઝીર પાંડોર દ્વારા, મોટામિયાં માંગરોળ) : માંગરોળ તાલુકાનાં નાનીનરોલી ગામે રહી કરીયારા ની દુકાન ચલાવતા લાડુંભાઈ લીબાભાઈ ગુજ્જર ની પાસે આજ ગામનાં બે શખ્સો એ મારી નાંખવાની ધમકી આપી ખડનીની માંગ કરી હતી.
નાનીનરોલી ગામનાં હનીફ અશરફ મલેક અને આમીર હનીફ મલેક નાઓમાંથી હનીફ મલેકે ,લાડુંભાઇને મોબાઈલ ઉપર જણાવ્યું કે ગામમાં ધધો કરવો હોય તો મને પૅસા આપવા પડશે, ન આપશે તો મારી નાંખીશ, ત્યારબાદ સાંજના સમયે બીજા મોબાઈલ ઉપરથી ફોન આવ્યો અને એણે કહયું કે હું આમીર હનીફ મલેક બોલું છું, તારે પૅસા આપવા છે કે નહીં ? ન આપશે તો તારી હાલત થોડા દિવસ પહેલા મુસાભાઈ પટેલની કરી હતી એવી થશે, પૅસા એમ.એસ. ટ્રાવેલની ઓફિસ ઉપર ઇકબાલ ઇલ્યાસ મલેકને આપી દેજે,જેથી હું ગભરાઈ ગયો હતો, જેથી મારો પુત્ર નામે ચેતન સાથે દશ હજાર રૂપિયા ટ્રાવેલની ઓફિસે મોકલી આપ્યા હતા. આ બંને શખ્સો અગાઉનાં એક ગુનામાં માંગરોળ પોલીસ કસ્ટડીમાં હોય, લાડુંભાઈ એ આ બનાવ પ્રશ્ને માંગરોળ પોલીસ મથકે ફરિયાદ આપતાં ,પોલીસે ઉપરોક્ત બને શખ્સો સામે ખડણી સહીત ની કલમો સાથે એફ.આઇ.આર. દાખલ કરી વધુ તપાસ એ.એસ.આઇ.જયપાલસિંહ મનુભાઈ ચલાવી રહ્યા છે.
About The Author
