વ્યારાના ડિસ્ટ્રિક્ટ કોર્ટ કોમ્પ્લેક્સ ખાતે એલ.એ.ડી.સી.ની ત્રિમાસિક બેઠક યોજાઈ
(પ્રતિનિધિ દ્વારા, વ્યારા) : માનનીય ન્યાયમૂર્તિ શ્રી ડી. એમ. વ્યાસ સાહેબ, જજ ગુજરાત હાઇકોર્ટ તથા યુનિટ જજ, તાપી તથા જિલ્લા કાનૂની સેવા સત્તા મંડળ (DLSA) ના ચેરમેન શ્રી ટી. આર. દેસાઈ સાહેબ જિલ્લાનાં માર્ગદર્શન હેઠળ ડિસ્ટ્રિક્ટ કોર્ટ કોમ્પ્લેક્સ ખાતે એલ.એ.ડી.સી. (LADC) ટીમ સાથે ક્વાર્ટરલી મીટીંગ યોજાઈ હતી.
આ મીટીંગમાં સાથે એલ. એ. ડી. સી.ના નિલેશ જે પટેલ ચીફ એલ. એ. ડી. સી., અવસર દવે ડેપ્યુટી, ભગવતી ચૌધરી ડેપ્યુટી, જીગ્નેશા ચૌધરી આસિસ્ટન્ટ, નયના ગામીત આસિસ્ટન્ટ, કાશ્મીરા ગામીત આસિસ્ટન્ટ, નિરજ ચૌધરી આસિસ્ટન્ટ પણ હાજર રહ્યા.
મીટીંગ દરમિયાન એલ.એ.ડી.સી. ટીમ દ્વારા તેમની અત્યાર સુધીની કામગીરી, પ્રગતિ અને ભવિષ્યના આયોજન અંગે વિગતવાર પ્રેઝન્ટેશન આપવામાં આવ્યું હતું. ખાસ કરીને ગરીબ અને જરૂરિયાતમંદ નાગરિકોને મફત કાનૂની સહાય પહોંચાડવા માટે કરવામાં આવતા પ્રયાસો, કેસ હેન્ડલિંગ પ્રક્રિયા, અને કાનૂની જાગૃતિ કાર્યક્રમો અંગે ન્યાયમૂર્તિશ્રીને માહિતગાર કરવામાં આવ્યા હતા.
ન્યાયમૂર્તિ શ્રી ડી. એમ. વ્યાસ સાહેબે એલ.એ.ડી.સી. ટીમની કામગીરીની પ્રશંસા કરી અને વધુ અસરકારક રીતે સેવા પહોંચે તે માટે જરૂરી માર્ગદર્શન આપ્યું હતું. તેમણે ટેકનોલોજીનો વધુ ઉપયોગ કરીને કામગીરીમાં પારદર્શિતા અને ઝડપ લાવવા ઉપર ભાર મૂક્યો હતો.
આ ઉપરાંત, એલ.એ.ડી.સી. ટીમને વિવિધ પ્રકારના આધુનિક સોફ્ટવેર અને ડિજિટલ ટૂલ્સ ઉપલબ્ધ કરાવવામાં આવ્યા છે, જેના માધ્યમથી કેસ મેનેજમેન્ટ, ડોક્યુમેન્ટેશન અને રિપોર્ટિંગ વધુ સુગમ અને અસરકારક બની રહેશે. આ સોફ્ટવેરના ઉપયોગથી કાર્યક્ષમતા વધારવા તેમજ નાગરિકોને ઝડપથી અને યોગ્ય કાનૂની સહાય પૂરી પાડવામાં મદદ મળશે.
આ મીટીંગનો મુખ્ય ઉદ્દેશ એલ.એ.ડી.સી. ટીમની કામગીરીનું મૂલ્યાંકન, સુધારા માટે માર્ગદર્શન અને ભવિષ્યમાં વધુ સારી સેવાઓ આપવા માટેની વ્યૂહરચના નક્કી કરવાનો હતો. કુલ મળીને, મીટીંગ ખૂબ જ સકારાત્મક અને માર્ગદર્શક સાબિત થઈ હતી, જેનાથી જિલ્લામાં કાનૂની સહાય સેવા વધુ મજબૂત બનશે.
ગુજરાત રક્ષા અખબારનાં વધુ અપડેટ અને સમાચારો મેળવવા માટે whatsapp ગ્રુપમાં જોડાવો, અહીં કલીક કરો.
About The Author
