માંગરોળ તાલુકાનાં વડોલી ગામે તળાવ ખોદવા અંગે ગ્રામસભાએ કરેલો ઠરાવ રદ કરવા મામલતદાર-ટી.ડી.ઓ.ને ગ્રામજનોએ લેખીતમાં કરેલી ફરિયાદ
Contact News Publisher
(નઝીર પાંડોર દ્વારા, મોટામિયાં માંગરોળ) : માંગરોળ તાલુકાનાં વડોલી ગામે તળાવ ખોદવા અંગે ગ્રામપંચાયતે જે ઠરાવ કર્યો છે, એ ઠરાવ રદ કરવા અંગે કેટલાંક ગ્રામજનોએ માંગરોળના મામલતદાર તથા તાલુકા વિકાસ અધિકારીને લેખીતમાં ફરિયાદ કરી આ ઠરાવ રદ કરવા માંગ કરી છે.
વડોલી ગામે જે હયાત તળાવ છે તેને ઉડું કરવા અંગે ગ્રામપંચાયતે જે ઠરાવ કર્યો છે તે ગ્રામજનોને વિશ્વાસમાં લીધા વીનાં કર્યો હોય આ ઠરાવ ગ્રામજનોને મંજુર નથી જેથી આ ઠરાવ રદ કરી આ અંગે નવો ઠરાવ કરવા ફરીથી ગ્રામસભા બોલાવવામાં આવે અને આ ગ્રામસભામાં તાલુકા કક્ષાએથી પણ અધિકારીઓ હાજર રહે એવી માંગ કરવામાં આવી છે. ખોદકામનો જે ઓર્ડર આપવામાં આવ્યો છે, તેનાં ઉપર કામ બંધ કરવામાં આવે એવું કરેલી ફરિયાદમાં જણાવાયું છે.
About The Author