ખેડૂતો ખેતીવાડી ખાતાની વિવિધ સહાય યોજનાઓનો લાભ મેળવી શકે તે માટે નવીન પોર્ટલ તૈયાર કરાયું

તાપી જિલ્લા ખેડુતો જોગ સંદેશ

–

વિવિધ સહાય યોજનાઓની ઓનલાઇન અરજીઓ કરવા માટે નવિન આઇ ખેડૂત પોર્ટલ તા.૨૪ એપ્રિલ થી તા.૧૫ મે ૨૦૨૫ સુધી ખુલ્લું મૂકવામાં આવ્યું

–

(પ્રતિનિધિ દ્વારા, વ્યારા) :તા.૨૪. નવિન આઇ-ખેડુત પોર્ટલની વર્ષ ૨૦૨૫-૨૬ માટે ખેતીવાડી ખાતાની વિવિધ સહાય યોજનાઓનો લાભ લેવા માટે આઇ-ખેડુત પોર્ટલ તા.૨૪/૦૪/૨૦૨૫ થી તા.૧૫/૦૫/૨૦૨૫ સુધી ખુલ્લુ મૂકવામાં આવેલ છે. અરજી કરતાં પહેલા ખેડૂતોએ આઇ-ખેડુત પોર્ટલ પર નોંધણી (ફાર્મર રજીસ્ટ્રેશન) કરવુ ફરજિયાત છે. ત્યારબાદ લાભ મેળવવા માટે ઓનલાઇન અરજી કરી શકાશે. પોર્ટલ પર અરજી મેળવવાની સમય મર્યાદા પુર્ણ થયા બાદ તમામ અરજીઓનો જિલ્લા / તાલુકા કક્ષાએથી ડ્રો કરવામાં આવશે અને અગ્રતા યાદી તૈયાર કરવામાં આવશે. જે મુજબ લક્ષ્યાંકની મર્યાદામાં પુર્વમંજુરી આપવામાં આવશે. જેથી અરજી કરવા પોર્ટલ ૨૨ દિવસ સુધી ખુલ્લું રહેશે. જેથી ખેડૂતોને પોતાના સમય અનુસાર https://ikhedut.gujarat.gov.in/site/ પર જાઇ ઓનલાઇન અરજી કરવા અનુરોધ કરાયો છે, વધુમાં તમામ ઘટકોમાં અરજી કર્યા બાદ પૂર્વમંજૂરી આવ્યા બાદ ખરીદી કરવાની રહેશે એમ જિલ્લા ખેતીવાડી અધિકારીની અખબારી યાદીમાં જણાવાયું છે.

00000

વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.

About The Author

Dharmesh wani

અખબાર વિશે
ગુજરાત રક્ષા – સનસની નહી, સત્ય સમાચારો પહોંચાડતું અખબાર.

તંત્રી : ધર્મેશ વાણી.
ગુજરાત રક્ષા

See author's posts