મહિલાને અપશબ્દો બોલી ખોટા ઇશારા કરી હેરાનગતિ કરતાં 181 અભયમ ઉમરા ટીમ મદદે
(પ્રતિનિધિ દ્વારા, સુરત) : આજ રોજ સુરત શહેરના ડીડોલી વિસ્તારમાંથી એક 30 વર્ષની બેનનો 181 મહિલા હેલ્પલાઈનમાં કોલ આવેલ અને જણાવેલ કે તેમના ઘર સામે બિલ્ડીંગ બને છે ત્યાં એક યુવક સેલ્સમેનની નોકરી કરે છે તે યુવક દ્વારા હેરાનગતિ કરવામાં આવી રહી છે તેઓ છેલ્લા એક માસથી ગંદા-ગંદા ઈશારાઓ કરે છે. તેમને જોઈ દરરોજ તાળી પાડે છે વધુમાં આજરોજ તેમણે એક લેટર લખી તેમના ઘરના સીડી પર મુકી જતા રહ્યા જે લેટરમાં શાયરી તેમજ તેમના સાથે રીલેશનશીપ રાખવાનો જવાબ વિશે લખેલું હતુ. તેમની આ હરકતોથી કંટાળી 181 અભયમ્ મહિલા હેલ્પલાઇનની મદદ માગી જેથી ઉમરા અભયમ રેસ્ક્યુ ટીમ તાત્કાલિક ઘટના સ્થળે પહોચી યુવકને ઝડપી પાડ્યો હતો. યુવક પીડીતા પાસે માફી માગતા અને પીડીતા તેમજ તેઓના પરીવારને આગળ કોઇ કાયૅવાહી ના કરવી હોય ફરીથી આવી હરકત ન કરવા તાકીદ કરી લેખિત બાહેધરી લેવામાં આવી હતી.
મળતી માહિતી મુજબ ડીડોલી વિસ્તારમાં રહેતા એક પીડીતાને એક માસથી પતિ કામધંધે ગયેલા અને ઘરમાં એકલા હૉય એકલતાનો લાભ લઈ ઘરની સામે સેલ્સમેનની નોકરી કરતા અંદાજે 46 વર્ષના પુરુષના બદઇરાદાથી મહીલાને જોઈ બહાર નીકળે, તેમને જોઈ સીટી વગાડે, તેથી તે યુવકને પકડી લીધા હતાં. યુવકના વિરુદ્ધમાં આખી સોસાયટી હોવાથી ડઘાઈ ગયેલી પીડીતાએ પ્રતિકાર કરી પરિવારમાં પતિને જાણ કરતા યુવક ભાગી ગયો હતો આ ઘટનાની જાણ 181 મહીલા હેલ્પલાઇનમાં કોલ દ્વારા કરી આગળની મદદ માગી હતી. અભયમ રેસ્ક્યૂ ઉમરા ટીમ દ્વારા યુવકને ઝડપી પાડવામાં આવ્યો હતો અને આ રીતે મહિલાની હેરાનગતિ કરવી, ખરાબ ઇશારાઓ કરવા તે ગુનો બને તેનું ભાન કરાવ્યું હતું યુવકના પરિવારને પણ જાણ કરેલ. યુવકની પત્નીએ જણાવેલ તેણે પ્રથમ ભુલ કરી છે હવે પછી આવી કોઈ ભૂલ નહીં કરે તેની ખાત્રી આપી હતી. યુવકે પણ પોતાની ભુલ કબૂલી હતી અને માફ કરવા વિનતી કરી હતી. પીડીતાના પતિએ પણ તેને માફ કરેલ અને આગળ કોઈ કાર્યવાહી નથી કરવી સુધરવાની એક તક આપવા માગતા હોય માફ કરવામાં આવ્યાં હતા.
અભયમ દ્રારા યુવક અને પરિવારની બાહેધરી મેળવી હવે પછી આવી ગુનાહિત પ્રવૃત્તિઓથી દૂર રહેવા તાકીદ કરવામા આવી હતી.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
