૧૦ થી ૧૪ વર્ષના ટેનીસના બાળ રમતવીરો માટે નીશુલ્ક તાલીમ આયોજિત કરવામાં આવશે
(પ્રતિનિધિ દ્વારા, વ્યારા) : તા.૧૮. સ્પોર્ટ્સ ઓથોરીટી ઓફ ગુજરાત અને અલ્ટેવોલ એલેક્ઝાન્ડર વાસ્કે ટેનીસ યુનિવર્સિટી દ્વારા ટેનીસ રમતનું બિન-નિવાસી કેન્દ્ર અમદાવાદ ખાતે શરૂ કરવા માટે એમ.ઓ.યુ. કરવામાં આવેલ છે. શુકન- ૬, સાયન્સ સીટી રોડ, સોલા, અમદાવાદમાં કાર્યરત અલ્ટેવોલ એલેક્ઝાન્ડર વાસ્કે ટેનીસ યુનિવર્સિટીના મુખ્યમથકે ૧૦ થી ૧૪ વર્ષના ટેનીસના ખેલાડી ભાઇઓ-બહેનોની પસંદગી બહારથી આવનારા કોચ ધ્વારા વિના મુલ્યે કરવામાં આવશે. આ અનુસંધાને તાલીમ આપવા તા.૨૫/૧૧/૨૦૨૪ થી તા.૦૬/૧૨/૨૦૨૪ સુધી સવારે ૧૦ કલાકથી પસંદગી પ્રક્રિયા હાથ ધરવામાં આવનાર છે. રસ ધરાવતા તમામ ટેનીસના ખેલાડીઓએ તા.૨૪/૧૧/૨૦૨૪ સુધીમાં રજીસ્ટ્રેશન કરાવી, જરૂરી પ્રમાણપત્રો (જન્મનો પુરાવો, ટેનીસ રમતની સ્પર્ધામાં મેળવેલ સિધ્ધિઓના પ્રમાણપત્રો, GSTA Ranking, AITA Ranking, ITF Ranking પ્રમાણપત્ર) સાથે હાજર રહેવા આથી જણાવવામાં આવે છે. રજીસ્ટ્રેશન માટે અલ્ટેવોલ એલેક્ઝાન્ડર વાસ્કે ટેનીસ યુનિવર્સિટી – ૯૯૭૮૯૭૧૯૧૯ સંપર્ક કરવાનો રહેશે.
૦૦૦૦૦૦
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
