અધિક નિવાસી કલેકટરશ્રી આર.આર બોરડના અધ્યક્ષ સ્થાને ફ્રીડમ રન તથા રસ્સા ખેંચ સ્પર્ધાના સુચારુ આયોજન અંગે બેઠક યોજાઇ
(પ્રતિનિધિ દ્વારા, વ્યારા) : તા.૨૨ આગામી તા.26 ઓકટોબર, શનિવારના રોજ સાંજે ફ્રીડમ રન તથા રસ્સા ખેંચ સ્પર્ધાનું આયોજન તાપી જિલ્લાના વ્યારા મથક ખાતે આવેલ સયાજી ગ્રાઉન્ડ થનાર છે. ફ્રીડમ રન તથા રસ્સા ખેંચ સ્પર્ધાના સુચારુ આયોજન અંગે આજે કલેકટર સભા ખંડ ખાતે અધિક નિવાસી કલેકટરશ્રી આર. આર બોરડના અધ્યક્ષ સ્થાને બેઠક યોજાઇ હતી.
અધ્યક્ષ સ્થાનેથી અધિક નિવાસી કલેકટરશ્રીએ લાઈટિંગ, સુરક્ષા જવાનો, મેડિકલ ટીમ, પાણી તેમજ દોડ માટેના અન્ય તમામ સુવિધાઓ માટે અધિકારીઓ અને કર્મચારીઓ ખડેપગે રહેવા તમેજ કોઇ પણ જાતની અસુવિધા ના ઉભી થાય તેની ખાસ તકેદારી રાખવા અને યોગ્ય આયોજન કરવા અંગે સુચનો કર્યા હતા. વધુમા વધું નાગરિકો સ્પર્ધામાં જોડાય તે માટે યોગ્ય પ્રચાર પ્રસાસ અને બેનરો લગાવવા સુચનો કર્યા હતા.
0000
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
