લીમડા ચોક શેરી ગરબા સ્પર્ધા વ્યારા ખાતે યોજવામાં આવી
(પ્રતિનિધિ દ્વારા, વ્યારા) : શ્રી લીમડા ગણેશ મંડળ ચેરીટેબલ ટ્રસ્ટ, લીમડા ચોક વ્યારા દ્વારા તારીખ 7 ઓક્ટોબર 2024 ના રોજ શેરી ગરબા સ્પર્ધાનું ભવ્ય આયોજન કરવામાં આવ્યું હતું.
આ પ્રસંગે વિવિધ 9 જેટલા ગરબી મંડળોએ સ્પર્ધામાં ભાગ લીધો હતો, લીમડા ચોક નવરાત્રી મહોત્સવ 2024ના નવા બસ સ્ટેન્ડ સ્થિત માતાજીના ફરતે તમામ મંડળોએ સુંદર ગરબાની કૃતિઓ રજૂ કરી હતી, જેમાં ખૂબ મોટી સંખ્યામાં નગરજનો ઉપસ્થિત રહ્યા હતા.
સ્પર્ધામાં પ્રથમ ક્રમે મા શક્તિ ગરબા મંડળ, દ્વિતીય ક્રમે મા દુર્ગા ગરબા મંડળ, તૃતીય ક્રમે કોટ ગરબા મંડળ વિજેતા થયા હતા. પ્રથમ આવનારને આયોજકો તરફથી રૂપિયા 7,1 00 દ્વિતીયને રૂ.4,100 તથા તૃતીય અને 3100 રોકડ ભેટ, દરેકને ટ્રોફી ટ્રોફી આપવામાં આવી હતી, તથા ભાગ લેનાર તમામે તમામ ગરબા મંડળના સભ્યોને પ્રશસતી પત્રથી સન્માનિત કરવામાં આવ્યા હતા, દરેક સ્પર્ધક મંડળને શીલ્ડ પણ આપવામાં આવ્યા હતા.
સમગ્ર કાર્યક્રમ શ્રી લીમડા ગણેશ મંડળ ચેરીટેબલ ટ્રસ્ટ લીમડા ચોક નવરાત્રી મહોત્સવના મહિલા મંડળ દ્વારા આયોજિત કરવામાં આવ્યો હતો જેને સમગ્ર નગરમાં ખૂબ જ પ્રશંશનીય કામગીરી બદલ અભિનંદન પ્રાપ્ત કર્યા હતા.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
