પ્રાથમિક શાળા ખોડદા ખાતે દસમા તબક્કાનો સેવા સેતુ કાર્યક્ર્મ યોજાયો
(મુકેશ પાડવી દ્વારા, વેલ્દા-નિઝર) : તા.૨૪ તાપી જિલ્લાના નિઝર તાલુકાના પ્રાથમિક શાળા ખોડદા ખાતે મદદનીશ કલેક્ટરશ્રી નિઝરના અધ્યક્ષતામાં ‘સેવાસેતુ’ (૧૦મો તબ્બકો) કાર્યક્રમ યોજાયો હતો. રાજ્ય સરકારની જનહિતલક્ષી યોજનાઓનો લાભ છેવાડાના નાગરિકોને મળી રહે તેમજ નાગરિકોને બહુવિધ સેવાઓનો લાભ ઘર આંગણે પ્રપ્ત થાય તે માટે સેવા સેતુ કાર્યક્રમના દસમા તબક્કાનો પ્રારંભ કરવામાં આવ્યો છે. રાજ્યના નાગરિકોના સર્વાંગી વિકાસ માટે સરકાર હર હંમેશ પ્રયત્નશીલ રહી છે.
આજે નિઝર તાલુકામાં આવેલ પ્રાથમિક શાળા ખોડદા ખાતે યોજાયેલ સેવાસેતુ કાર્યક્રમમાં બોરદા,આડટા, ખોડદા,નેવાળા,લક્ષ્મીખેડા,જુની ભીલભવાલી, નિઝર, વેલા, કોઠલી, મુબારકપુર ગામના નાગરીકોને સરકારશ્રીની કુલ ૧૩ જેટલા વિભાગો દ્વારા આધાર કાર્ડ, રાશન કાર્ડ,આવકનો દાખલો,જાતિનો દાખલો સહિતની ૫૫ જેટલી સેવાઓનો લાભ આપવામાં આવ્યો હતો.
આ કાર્યક્રમમાં મામલતદારશ્રી,ટી.ડી.ઓશ્રી સહિત વિવિધ વિભાગના કર્મચારીઓ,પધાધિકારિઓ,સરપંચશ્રીઓ તેમજ મોટી સંખ્યામાં નાગરીકો ઉપસ્થિત રહ્યા હતા.
000000.
વધુ અપડેટ અને સમાચારો મેળવવા માટે ગુજરાત રક્ષાના whatsapp ગ્રુપમાં જોડાવો, અહીં ટચ કરો.
About The Author
