રોટરી ક્લબ ઓફ અંકલેશ્વરનાં પ્રેસિડન્ટ સુનિલ નેવેનું જિલ્લા વહીવટીતંત્ર ભરૂચ દ્વારા સન્માન
Contact News Publisher
(પ્રતિનિધિ દ્વારા, ઓલપાડ) : પાંચમી સપ્ટેમ્બર શિક્ષકદિનનાં ઉપલક્ષ્યમાં જિલ્લા વહીવટી તંત્ર, ભરૂચ તથા શિક્ષણ વિભાગ દ્વારા આયોજીત જિલ્લા કક્ષાનાં શિક્ષક સન્માન સમારોહમાં સાંસદ મનસુખ વસાવાનાં હસ્તે સામાજિક સેવા ક્ષેત્રે જાણીતી સંસ્થા રોટરી ક્લબ ઓફ અંકલેશ્વરનાં પ્રેસિડેન્ટ સુનિલ નેવેનું સન્માન કરવામાં આવ્યું હતું. આ તકે તેમને શાલ ઓઢાડી સ્મૃતિ ચિત્ર અર્પણ કરવામાં આવ્યું હતું. સદર કાર્યક્રમમાં ધારાસભ્ય રમેશભાઈ મિસ્ત્રી, કલેકટર તુષાર સુમેરા, જિલ્લા શિક્ષણાધિકારી સ્વાતિબા રાઓલજી, જિલ્લા પ્રાથમિક શિક્ષણાધિકારી સચિન શાહ, પદાધિકારીશ્રીઓ, પબ્લિક ઈમેજ ચેર ગજેન્દ્ર પટેલ તથા ભરૂચ જિલ્લાનાં શિક્ષક ભાઈ-બહેનો ઉપસ્થિત રહ્યાં હતાં. સૌએ સુનિલભાઈને હાર્દિક અભિનંદન પાઠવ્યા હતાં.
About The Author