તાપી જિલ્લામાં નેશનલ સ્કૂલ ગેમ્સ-૨૦૨૪ અંતર્ગત જિલ્લા કક્ષાની કરાટે સ્પર્ધા યોજાઇ
જિલ્લા કક્ષાની કરાટે સ્પર્ધામાં વિજેતા થયેલ ખેલાડીઓ રાજ્યકક્ષાની સ્પર્ધામાં પોતાની ભાગીદરી નોધાવશે
–
(પ્રતિનિધિ દ્વારા, વ્યારા) : તા.૦૬ સ્પોર્ટસ ઓથોરિટી ઓફ ગુજરાત, ગાંધીનગર અને જિલ્લા રમત ગમત અધિકારી ની કચેરી તાપી દ્વારા નેશનલ સ્કૂલ ગેમ્સ-૨૦૨૪ અંતર્ગત તારીખ ૦૫/૦૮/૨૦૨૪ નાં રોજ શ્રી.બી.ટી.& કે.એલ.ઝવેરી સાર્વજનીક હાઇસ્કુલ બુહારી ખાતે જિલ્લા કક્ષાની કરાટે રમતનું આયોજન કરવામાં આવ્યું હતું.
આ રમત સ્પર્ધામાં અં-૧૪ ભાઈઓમાં કુલ ૦૧ ખેલાડીઓ, અં-૧૪ બહેનોમાં કુલ ૦૪ ખેલાડીઓ, અં-૧૭ ભાઈઓમાં કુલ ૦૮ ખેલાડીઓ, અં-૧૭ બહેનોમાં કુલ ૦૪ ખેલાડીઓ, અં-૧૯ ભાઈઓમાં કુલ ૦૭ ખેલાડીઓ, અં-૧૭ બહેનોમાં કુલ ૦૩ ખેલાડીઓ મળી કુલ તાપી જિલ્લા માંથી ૧૬ ભાઈઓ અને ૧૧ બહેનોએ ઉત્સાહ પૂર્વક ભાગ લીધેલ હતો.
આ સ્પર્ધામાં જિલ્લા રમતગમત અધિકારી અને શાળાના આચાર્યશ્રી ઉપસ્થિત રહી ખેલાડીઓનો ઉત્સાહ વધાર્યો હતો. આ સ્પર્ધામાં વિજેતા થયેલ ખેલાડીઓ રાજ્યકક્ષાની સ્પર્ધામાં ભાગ લઈ તાપી જિલ્લાનું નામ રોશન કરે તેવી તાપી જિલ્લા વહિવટી તંત્ર સહિત જિલ્લા રમત-ગમત અધિકારી દ્વારા વિજેતા ખેલાડીઓને શુભેચ્છા પાઠવવામાં આવી હતી.
000
About The Author
