ફાઇન કેમિકલ્સ ઇન્ડિયા લિમિટેડ દ્વારા સરકારી શાળાઓમાં વિદ્યાર્થીઓને નોટબુક વિતરણ કાર્યક્રમ યોજાયો
(પ્રતિનિધિ દ્વારા, ઓલપાડ) : ઔદ્યોગિક ગૃહોનાં સામાજિક ઉત્તરદાયિત્વનાં ભાગરૂપે ડેક્કન ફાઈન કેમિકલ્સ ઇન્ડિયા લિમિટેડ દ્વારા સરકારી શાળાઓનાં વિદ્યાર્થીઓને અભ્યાસમાં સહાયરૂપ થવાનાં હેતુસર નોટબુકનું વિતરણ કરવામાં આવ્યું હતું. કાર્યક્રમ અંતર્ગત અંકલેશ્વર શહેરની સ્ટેશન શાળા નંબર 22, મુખ્ય શાળા નંબર 1, કન્યા શાળા બ્રાન્ચ નંબર 1, ગોયા બજાર, હાંસોટ તાલુકાની એચ. જે. શેઠ કોમર્સ હાઈસ્કૂલ, એલ. સી. શેઠ હાઈસ્કૂલ, એચ. કે. પટેલ પ્રાથમિક શાળાનાં વિદ્યાર્થીઓને નિ:શુલ્ક નોટબુક વિતરણ કરવામાં આવી હતી.
આ પ્રસંગે નિલેશ શાહ, એ.જી.એમ. પ્રોડક્શન, માધવ પ્રજાપતિ, અમન વર્મા, કિશન ગામી, હાર્દિક પટેલ શહીદ નગર પ્રાથમિક શિક્ષણ સમિતિ, અંકલેશ્વરનાં શાસનાધિકારી ડો. દિવ્યેશ પરમાર, સામાજિક અગ્રણી અને શિક્ષક સંઘનાં પ્રમુખ ગજેન્દ્ર પટેલ સહિત શાળાઓનાં મુખ્યશિક્ષકો, શિક્ષકો તથા વિદ્યાર્થીઓ ઉપસ્થિત રહ્યાં હતાં.
About The Author
