ઓલપાડ તાલુકાનાં યુવા જ્યોતિષ અને ગઝલકાર ડૉ. નિલેશ પટેલનો ઉજ્જૈન ખાતે ડંકો
Contact News Publisher
(પ્રતિનિધિ દ્વારા, ઓલપાડ) : તાજેતરમાં દેવભૂમિ ઉજ્જૈન ખાતે આંતરરાષ્ટ્રીય જ્યોતિષ અને વાસ્તુ મહાસંમેલન – 2024 યોજવામાં આવેલ હતું. આ 33 માં મહાસંમેલનમાં ઓલપાડ તાલુકાનાં ઓભલા ગામનાં યુવા જ્યોતિષ અને ગઝલકાર ડૉ. નિલેશ પટેલની સમગ્ર જ્યોતિષ કાર્યનાં પ્રદાનને અનુલક્ષીને અપાતાં લબ્ધપ્રતિષ્ઠિત ‘ઇન્ડિયન ટોપ ટેન એવોર્ડ’ માટે પસંદગી થવા પામી હતી.
સમગ્ર ભારતમાંથી ઉપસ્થિત જ્યોતિર્વિદો અને મંચસ્થ મહાનુભાવોની ઉપસ્થિતિમાં સદર એવોર્ડ ડૉ. નિલેશ પટેલને અર્પણ કરવામાં આવ્યો હતો. તેમની આ ગૌરવશાળી ઉપલબ્ધિ બદલ ઓભલા ગામ સહિત સમગ્ર સાયણ પંથકમાં આનંદની લહેર પ્રસરી ગઈ હતી. સૌએ તેમનાં પર અભિનંદન વરસાવ્યા હતાં.
About The Author