“ગંગા સમગ્ર” ટીમ તાપી જિલ્લા દ્વારા સોનગઢ નગર મા 100% મતદાન કરવા માટે લોકોને અપીલ કરાઈ
(પ્રતિનિધિ દ્વારા, સોનગઢ) : મતદાન જાગૃતિ અભિયાન અંતર્ગત “ગંગા સમગ્ર” ટીમ તાપી જિલ્લા દ્વારા સોનગઢ નગર મા 100% મતદાન કરવા માટે લોકોને અપીલ કરવામાં આવી હતી. લોકશાહી ના પર્વમાં એક એક મત પણ મહત્ત્વનો સાબિત થાય છે. અને મતદાન એ મતદારની પણ નૈતિક ફરજ પણ છે. જેથી ચુંટણી પર્વમાં લોકોનો ઉત્સાહ વધે તે હેતુ થી વધુ મતદાન થાય એના માટે સોનગઢ નગરના નગર પાલિકા, બસ સ્ટેન્ડ, ખાણી પીણી ચાટ બજાર, શ્રી છત્રપતિ શિવાજી મહારાજ ચૌક, ઓટા ચાર રસ્તા ઓવર બ્રિજ નીચે, હિર્વા પ્લાઝા બેંક ઓફ બરોડા જેવા જાહેર સ્થળો એ ટીમ દ્વારા પ્રેરણાત્મક સૂત્રોના પ્લેકાર્ડ તથા બેનર થકી રાષ્ટ્રીય કાર્યમાં સહભાગી થયાં હતાં. આવા નવીનતમ પ્રયોગ માટે સરકારી તંત્રનો સહકાર તથા લોકોનો પણ સારો પ્રતિસાદ જોવા મળ્યો. જે મતદાન જાગૃતિ અંગે એક સકારાત્મક પાસું કહી શકાય. લોકશાહીના પર્વમાં મતદાન લોકજાગૃતિ કાર્યક્રમ કરવા બદ્દલ “ગંગા સમગ્ર” ટીમ તાપી જિલ્લા ગર્વની લાગણી અનુભવે છે.
About The Author
