શિશુ/ વિદ્યા ગુર્જરી શાળામાં વાર્ષિક ઈનામ વિતરણ કાર્યક્રમ યોજવામાં આવ્યો
(પ્રતિનિધિ દ્વારા, વ્યારા) : શ્રી અરૂણા અનિલ વ્યારા પ્રદેશ વિકાસ પ્રતિષ્ઠાન સંચાલિત શિશુ/ વિદ્યા ગુર્જરી શાળામાં તારીખ 04/03/2024 ને સોમવારના રોજ વાર્ષિક ઈનામ વિતરણ કાર્યક્રમ યોજવામાં આવ્યો.
કાર્યક્રમની શરૂઆત શાળાના પ્રાર્થનાવૃદ દ્વારા સરસ્વતી માતાની ઉપાસનાથી કરવામાં આવી ઉપસ્થિત મહેમાનશ્રીઓના હસ્તે દિપપ્રાગટ્ય કરી કાર્યક્રમને આગળ ધપાવવામાં આવ્યો.
શાળાના વાર્ષિક ઈનામ વિતરણ કાર્યક્રમ પ્રસંગે સમારોહના અધ્યક્ષ તરીકે ડો. અજયભાઈ કે. દેસાઈ (વાઈસ ચેરમેન ગુજરાત રાજ્ય રેડ ક્રોસ સોસાયટી) ઉપસ્થિત થયા. તે ઉપરાંત સંસ્થાના ટ્રસ્ટી માન.શ્રી ચિરાગભાઈ પી. કોઠારીની વિશેષ ઉપસ્થિતિ કાર્યક્રમમાં મોરપીછસમાન હતી. માન.શ્રી ડો. અજયભાઈ કે. દેસાઈ(વાઈસ ચેરમેન ગુજરાત રાજ્ય રેડ ક્રોસ સોસાયટી) એ પોતાના વકતવ્યમાં શાળાનાં સૌ બાળકોને વર્ષ દરમિયાન ઝળહળતી સિધ્ધિ પ્રાપ્ત કરવા બદલ અભિનંદન પાઠવ્યા અને શાળામાં અભ્યાસ કરતા ધોરણ-10 S.S.C બોર્ડના વિદ્યાર્થીઓને શુભેચ્છા પાઠવી. શાળાના આચાર્યશ્રીએ ઉપસ્થિત મહાનુભવોને શાબ્દીક તેમજ પુષ્પગુચ્છ આપી ઉષ્માભર્યો આવકાર આપેલ સમગ્રકાર્યક્રમનું સંચાલન શાળાના શિક્ષિકા અર્પિતાબેન પંચાલ દ્વારા કરવામાં આવ્યું. આભાર વિધિ શાળાના શિક્ષિકા ચૌધરી રોહીણીબેન દ્વારા કરવામાં આવી.
About The Author
