આહવા બસ સ્ટોપ પર રોમિયોગીરી કરતા લુખ્ખા તત્વને રોકવા માટે પોલીસ જવાન ફાળવવાની માંગ સાથે આવેદનપત્ર સુપ્રત
(પ્રતિનિધિ દ્વારા, વધઈ) : ડાંગ જિલ્લાનાં આહવા બસ સ્ટોપ પર કેટલાક લુખ્ખા તત્વ દ્વારા રોમિયો ગીરી કરવામાં આવી રહી છે. જેના કારણે મહિલાઓ તથા બહેનોની સુરક્ષા જોખમાતી જોવા મળી રહી છે. ત્યારે આ રોમિયોગીરી કરતા લુખ્ખા તત્વને અટકાવવા માટે જી આર ડી હોમગાર્ડ ફાળવવામાં આવે તેવી માંગ સાથે બહુજન સમાજ પાર્ટી એ આહવા પોલીસ મથકે લેખિતમાં રજૂઆત કરી હતી.આહવા બસ ડેપો પર સાંજના સમયે 5:00 થી 8:30નાં ગાળામાં કેટલાક લુખ્ખા તત્વો રોમિયો ગીરી કરતા હોય છે અને ઓળખાણ વગર બહેનોને ઇશારો કે નંબર માંગવાનુ કામ કરતા હોય છે. વધુમાં સાંજના સમય 7:30 થી 9:00 ના ગાળામાં અટવાયેલ બહેનોને આ રોમિયો અને લુખ્ખા તત્વો હેરાન કરતા હોય છે. તેમજ કેટલીક છોકરીઓ સાથે ગેરવર્તન થયેલ છે. પરંતુ હાઈસ્કુલમાં ભણતા હોવાથી અને આગળના ભવિષ્યની ચિંતા કરતા હોય જેથી એ બહેનોએ પોતાનું નામ ગુપ્ત રાખ્યુ છે. ત્યારે આસપાસમાં આવેલ દુકાનના કેમેરા ચેક કરવામાં આવે તો સમગ્ર ઘટના સામે આવે તેમ છે. તેથી આહવા પોલીસ દ્વારા યોગ્ય તપાસ કરવામાં આવે અને બસ સ્ટોપ પર જી.આર.ડી જવાન ફાળવવામાં આવે તેવી માંગ સાથે બહુજન સમાજ પાર્ટી દ્વારા આહવા પોલીસ મથકના પી.એસ.આઇ.ને આવેદનપત્ર પાઠવવામાં આવ્યુ હતુ.
About The Author
