ઓલપાડની મીરજાપોર પ્રાથમિક શાળાનાં બાળકોએ તિથિ ભોજન આપવામાં આવ્યું
Contact News Publisher
(પ્રતિનિધિ દ્વારા, ઓલપાડ) : જિલ્લા પંચાયત શિક્ષણ સમિતિ, સુરત સંચાલિત ઓલપાડ તાલુકાની મીરજાપોર પ્રાથમિક શાળામાં ગામનાં વતની એવાં બાબુભાઈ, ચંપકભાઈ, રોહિતભાઈ તથા રાજુભાઈ તરફથી તેમનાં માતૃ સ્વ. કમુબેન ભગવાનભાઇ પટેલની ઉત્તરક્રિયા વિધિ નિમિત્તે શાળાનાં તમામ બાળકોને ભાવપૂર્વક તિથિભોજન કરાવવામાં આવ્યું હતું.
શાળાનાં મુખ્યશિક્ષિકા શ્રીમતી અંજનાબેન પટેલ તથા ઉપશિક્ષિકા શ્રીમતી સોનલબેન બ્રહ્મભટ્ટ બાળકોને તિથિભોજનનું મહાત્મ્ય સમજાવી દાતાનો આભાર વ્યક્ત કર્યો હતો. બાળકો પ્રસાદરૂપ ભોજન ભાવપૂર્વક આરોગે તે માટે સ્વ. કમુબેનનાં સુપુત્રો, પૌત્રો તથા સ્નેહીજનો ખડેપગે રહ્યાં હતાં. એમ તાલુકાનાં પ્રચાર-પ્રસાર પ્રતિનિધિ વિજય પટેલ એક અખબારી યાદીમાં જણાવે છે.
About The Author