વ્યારા નગરપાલિકાના બિરસામુંડા કોમ્યુનિટી હોલ ખાતે “સ્વનિધિ થી સમૃધ્ધિ કેમ્પ” યોજાયો
(પ્રતિનિધિ દ્વારા, વ્યારા) : તા.08: આજ રોજ “સ્વનિધિ થી સમૃધ્ધિ કેમ્પ” બિરસામુંડા કોમ્યુનિટી હોલ, દાદરી ફળીયુ-ભુત બંગલા, વ્યારા ખાતે યોજવામાં આવ્યો હતો. જેમાં વ્યારા નગરપાલિકાના પદાધિકારીશ્રીઓ શ્રી પરેશકુમાર બી શાહ, રીનાબેન એન.પટેલ, દ્રષ્ટિબેન જોષી અને કિતાબેન જે ચૌધરી, એનયુએલએમ શાખા મેનેજરશ્રી મયંકકુમાર ચૌધરી અને લીડ બેંક મેનેજરશ્રી તાપી રસિકભાઇ જેઠવા, FLLC શ્રી શ્રીઅનિલભાઇ ગામીત, જિલ્લા મહિલા અને બાળ અધિકારીની કચેરી તાપીના કર્મચારીશ્રીઓ જીગ્નેશકુમાર જે. ગામીત, અને ખુશ્બુ જે ગામીત, શ્રમ અધિકારીશ્રી કચેરી તાપીના કર્મચારીશ્રી,સમાજ કલ્યાણ (વિ.જા) કચેરી તાપીના કર્મચારીશ્રી, તાલુકા આરોગ્ય કચેરીના કર્મચારીશ્રીઓ તથા અને પી.એમ સ્વનિધિ યોજનાના લાભાર્થીઓ તેમના પરિવાર સહિત સ્વનિધિ થી સમૃધ્ધિ કેમ્પમાં આઠ યોજનાનો લાભ મેળવવા ઉપસ્થિત રહ્યા હતા.
કેમ્પ દરમ્યાન જિલ્લા અને તાલુકા કચેરીઓમાંથી ઉપસ્થિતિ અધિકારીશ્રી અને કર્મચારીશ્રી દ્વારા તેમજ નગરપાલિકાના પદાધિકારીશ્રીઓ દ્વારા વિવિધ સરકારી વિભાગની યોજના વિશે વિસ્તૃત માહીતી આપી લોકોને આ યોજનાઓનો લાભ લેવા અનુરોધ કર્યો હતો.
00000
About The Author
