કુસુમ જયેશ ભુલકા ભવન ગુજરાતી માધ્યમમાં નવલી નવરાત્રી ઉત્સવની ઉજવણી કરાઈ
(પ્રતિનિધિ દ્વારા, વ્યારા) : શ્રી ર.ફ. દાબુ કેળવણી મંડળ સંચાલિત કુસુમ જયેશ ભુલકા ભવન ગુજરાતી માધ્યમમાં તા. ૧૭-૧૦-૨૩ ને મંગળવારે માં જગતજનની આદ્યશક્તિ માં અંબેના પાવન “નવલી નવરાત્રી” ઉત્સવની ઉજવણી કરવામાં આવી. આ ઉજવણીમાં માતાજી નો શણગાર તથા માંડવળી કરવામાં આવી હતી. જેમાં વાલી મિત્રો, દાદા-દાદી, નાના-નાની, નાના ભુલકાઓ સરસ મજાના નવરાત્રી “ટ્રેડિશનલ” ડ્રેસમાં સરસ મજાના ખેલૈયા બનીને આવ્યા હતા. વાલી મિત્રો અને બાળકો માટે વિવિધ હરીફાઈનું આયોજન કરવામાં આવ્યું હતું.જેમાં સર્વે મન મૂકીને ગરબે ઘુમ્યા હતા. આ ઉજવણી દરમિયાન આમંત્રણ ને માન આપી શ્રી મહેશકાકા અને શ્રી ડિમ્પલબેન શાહ ઉપસ્થિત રહ્યા હતા. ભુલકા ભવન પરિવારનો ઉત્સાહ અને ઉમંગમાં વધારો કરવા બદલ વડીલશ્રીનો ખુબ ખુબ આભાર વ્યકત કરાયો. આ અવસરે વિવિધ હરીફાઈઓ રાખવામાં આવી હતી. જેમાં નિર્ણાયક તરીકે ડૉ. જાનકીબેન શાહ, ડૉ. પ્રીન્સી રાણા અને મીતી જાગીરદારએ સેવા આપી હતી. સમગ્ર કાર્યક્રમ નાં આયોજનમાં આચાર્ય શ્રી પરવીનબેન, શૈક્ષણિક અને બિન શૈક્ષણિક સ્ટાફ નો સરસ સહયોગ રહ્યો હતો.
About The Author
