ગુજરાત રાજ્ય પ્રાથમિક શિક્ષક સંઘનાં પૂર્વ પ્રમુખ દિલીપસિંહ ગોહિલનું દુઃખદ અવસાન
Contact News Publisher
રાજ્યભરનાં શિક્ષણ આલમમાં શોકની લાગણી વ્યાપી
(પ્રતિનિધિ દ્વારા, ઓલપાડ) : ગુજરાત રાજ્ય પ્રાથમિક શિક્ષક સંઘનાં પૂર્વ પ્રમુખ એવાં વલભીપુર તાલુકા (જિ. ભાવનગર) રાજપૂત સમાજનાં પ્રમુખ દિલીપસિંહ ગોહિલનું આજરોજ દુઃખદ અવસાન થયેલ છે. શિક્ષકોનાં દરેક પ્રશ્નોની સરકાર સમક્ષ ધારદાર રજૂઆત કરનાર આ બાહોશ લીડર તથા ગાંધીનગર ખાતેનાં શૈક્ષણિક સંશોધન ભવન ‘ચાણક્ય’ નાં પ્રણેતા ફાની દુનિયા છોડી જતાં રાજ્યભરનાં શિક્ષકોમાં શોકની લાગણી વ્યાપી જવા પામી છે.
સદગતનાં આત્માની શાંતિ અર્થે સુરત જિલ્લા પ્રાથમિક શિક્ષક સંઘનાં પ્રમુખ કિરીટભાઈ પટેલ, મહામંત્રી અરવિંદભાઈ ચૌધરી તથા જિલ્લા સંઘનાં હોદ્દેદારો ઉપરાંત તમામ તાલુકા ઘટક સંઘનાં પ્રમુખ-મંત્રીઓએ ઊંડા શોક સાથે હૃદયપૂર્વક પ્રભુ પ્રાર્થના કરી હતી. એમ જિલ્લાનાં પ્રચાર-પ્રસાર પ્રતિનિધિ વિજય પટેલ એક અખબારી યાદીમાં જણાવે છે.
About The Author