સોનગઢના પોખરણમાં ટ્રક માંથી ડિટર્જન્ટ પાવડરની આડમાં લઈ જવાતા દારૂના જથ્થા સાથે એકની અટક : ૫૦ લાખનો મુદ્દામાલ જપ્ત
(પ્રતિનિધિ દ્વારા, વ્યારા) : સોનગઢના પોખરણમાં ટ્રકમાંથી ડિટર્જન્ટ પાવડરની ખોટી બીલ્ટીની આડમાં લઈ જવાતા દારૂના જથ્થા સાથે એક ની અટકાયત કરી હતી.તેમજ ૪૦ લાખના દારૂના જથ્થા સાથે એક ને ઝડપી પાડ્યો હતો. તેમજ કુલ કિંમત રૂપિયા ૫૦,૯૬,૦૦૦/-no મુદ્દા માલ પોલીસે જપ્ત કર્યો હતો. અને દારૂનો જથ્થો પૂરો પાડનાર ને વોન્ટેડ જાહેર કરવામાં કર્યો હતો.
સોનગઢ પોલીસ સ્ટાફના માણસોને ખાનગી રાહે બાતમી મળી હતી કે, મહારાષ્ટ્ર રાજ્યના નવાપુર તરફથી એક કથ્થઇ કલરનો ટાટા કંપનીનો LPT-૧૫૧૨ ટ્રક નં. WB-51-C-4278 માં ગેર કાયદેસર ભારતીય બનાવટનો ઇગ્લીશ દારૂનો જથ્થો ભરી ને.હા.નં. ૫૩ પરથી સુરત તરફ જનાર છે. જે બાતમી ના આધારે સોનગઢ પોલીસ સ્ટાફના માણસોએ ને.હા.નં. ૫૩ ઉપર પોખરણ ગામના પાટીયા પાસે વોચ ગોઠવી હતી.તે વેળાએ ટાટા કંપનીનો LPT-૧૫૧૨ ટ્રક નં. WB-51-C-4278 આવતા પોલીસે તેની તપાસ કરી હતી ત્યારે ટ્રક માંથી ડિટર્જન્ટ પાવડરની ખોટી બીલ્ટીની આડમાં દારૂનો જથ્થો મળી આવ્યો હતો. ટ્રકમાંથી પાસ પરમેન્ટ વગરનો ભારતીય બનાવટ નો અલગ અલગ બ્રાન્ડનો ઇંગ્લિશ દારૂનો જથ્થો કુલ બોટલ નંગ ૧૩,૩૮૦/- મળી આવી હતી. જે બાદ પોલીસે ટ્રક ચાલક કૈલાશ સોનારામ બિશ્નોઇ ( રહે.અગોર તા. ચોહટન જિ. બાડમેર રાજસ્થાન )ની અટક કરવામાં આવી હતી.
તેમજ પોલીસે કુલ દારૂનો જથ્થો જેની કિંમત રૂપિયા ૪૦,૮૯,૪૦૦/- તથા ટ્રક જેની કિંમત રૂપિયા ૧૦ લાખ તથા મોબાઇલ નંગ ૦૧ જેની કિંમત રૂપિયા ૫,૦૦૦/- તથા રોકડા રૂ. ૧,૬૦૦/- એમ મળી કુલ કિંમત રૂપિયા ૫૦,૯૬,૦૦૦/- નો મુદ્દામાલ પોલીસે જપ્ત કર્યો હતો.અને દારૂનો જથ્થો પૂરો પાડનાર વિરેન્દ્રસિંગ ઝાટ (રહે. ઝઝજર ગામ રોહતક પાસે હરીયાણા)ને વોન્ટેડ જાહેર કરવામાં આવ્યો હતો.
About The Author
