ઓલપાડની મંદરોઇ પ્રાથમિક શાળામાં હિન્દી દિવસની ઉજવણી કરવામાં આવી
Contact News Publisher
(પ્રતિનિધિ દ્વારા, સુરત) : જિલ્લા પંચાયત શિક્ષણ સમિતિ, સુરત સંચાલિત ઓલપાડ તાલુકાની મંદરોઇ પ્રાથમિક શાળામાં આજરોજ હિન્દી દિવસની ઉજવણી કરવામાં આવી હતી. શાળાનાં પ્રાર્થના સંમેલનમાં હિન્દી દિવસની ઉજવણીનાં ભાગરૂપે સમગ્ર પ્રાર્થના સંમેલનનું સંચાલન પણ બાળકોએ હિન્દી ભાષામાં જ કર્યું હતું. આ તકે શાળાનાં ઉપશિક્ષક જિજ્ઞેશ પટેલે બાળકોને હિન્દી ભાષા વિષયક જાણકારી આપી હતી.
આ પ્રસંગે શાળાનાં ઉપશિક્ષિકા યશુમતિ પટેલનાં માર્ગદર્શન હેઠળ યોજાયેલ ભાષાકીય રમતોમાં બાળકોએ ઉત્સાહભેર ભાગ લીધો હતો. કરંજનાં સી.આર.સી. કો-ઓર્ડિનેટર વિજય પટેલ તથા કેન્દ્રાચાર્યા જાગૃતિ પટેલે સૌને આજનાં દિન વિશેષ નિમિત્તે સૌને શુભેચ્છા પાઠવી હતી.
About The Author