તાપી જિલ્લા લોક વિજ્ઞાન કેન્દ્ર દ્રારા નેશનલ સાયન્સ ડ્રામા ફેસ્ટીવલ યોજાયો
(પ્રતિનિધિ દ્વારા, વ્યારા) : આજરોજ કલાનિકેતન જિલ્લા લોક વિજ્ઞાન કેન્દ્ર વ્યારા તાપી દ્રારા વાઈબ્રન્ટ સાયન્સ શાળામાં વ્યારા ખાતે ૧૨ શાળાઓએ રજીસ્ટ્રેશન કરાવ્યું. ૮ શાળાઓના કુલ – ૬૪ સ્પર્ધકોએ ભાગ લઇ વૈજ્ઞાનિક નાટક વિષયાંનુસાર રજુ કર્યા હતા. જેમાં પ્રાસંગિક પ્રવચન ડાયરેક્ટર શ્રીકેતનભાઈ શાહ દ્રારા જણાવવામાં આવ્યું કે નાટક એક સામાજિક પ્રવૃત્તિ છે. પરંતુ તેમાં જો વિજ્ઞાન અને વૈજ્ઞાનિક વિચાર ઉમેરવામાં આવે તો સમાજ માટે તે નાટક પ્રેરણાશ્રોત બની જાય છે. જેનાથી સ્પર્ધકો તેમજ શૈક્ષણિક સમાજને વૈજ્ઞાનિક અભિગમ અને વિશિષ્ટ પ્રકારનું જ્ઞાન સમજ પ્રાપ્ત કરવાનો અવસર મળે છે. તેથી જ લોકવિજ્ઞાન કેન્દ્ર દ્રારા આવા વૈજ્ઞાનિક અભિગમ વાળા સાયન્સ ડ્રામાનું આયોજન થાય છે.
આ તબક્કે નિર્ણાયક તરીકે શીખાબેન રાણા અને દેવેનભાઈ ગામીતે સેવા આપી હતી અને બાળકોનો ઉત્સાહ વધાર્યો તેમજ વિવિધ શાળાના બીજા ૬૦ બાળકો અને ૧૦ વિજ્ઞાન શિક્ષકોએ હાજર રહી કાર્યક્રમ નિહાળ્યો. સૌને અલ્પાહાર અને ૧૦ ટીમ પૈકી પ્રથમ વિજેતા ટીમ માનવ મંદિર વિદ્યાલય વિરપોર શાળાને પ્રથમ નંબરને રોકડ પુરષ્કાર મ અને બીજા નંબરની વિજેતા ટીમ એકલવ્ય મોડેલ સ્કુલ ઉકાઈ રોકડ પુરસ્કાર આપી સૌને અભિનંદન પાઠવ્યા હતા. તમામ સ્પર્ધકોને પ્રમાણપત્રો જિલ્લા લોક વિજ્ઞાન કેન્દ્ર દ્રારા પ્રોત્સાહાન તરીકે એનાયત કરવામાં આવ્યા હતા. પ્રથમ વિજેતા ટીમ આગામી દીવસોમાં ગાંધીનગર ખાતે રાજ્ય કક્ષાએ ભાગ લેશે અને તાપી જિલ્લાનું ગૌરવ વધારશે.
About The Author
