માઁ શિવદૂતી સ્કૂલમા જિલ્લા કક્ષાનો યુવા ઉત્સવ યોજાશે
(પ્રતિનિધિ દ્વારા, વ્યારા) : કમિશ્નરશ્રી, યુવક સેવા અને સાંસ્કૃતિક પ્રવૃતિઓ અને જિલ્લા યુવા વિકાસ અધિકારી, તાપી દ્વારા જિલ્લા કક્ષાનો યુવક ઉત્સવ–૨૦૨૩ માઁ શિવદૂતી સાયન્સ સ્કૂલ,માં તા.૨૪/૦૮/૨૦૨૩નાં રોજ યોજાશે.જિલ્લા પંચાયત, તાપીનાં પ્રમુખશ્રી સુરજભાઈ વસાવાનાં મુખ્ય મહેમાનપદે કાર્યક્રમ યોજાશે. તાપી જિલ્લા કલેકટરશ્રી વિપીન ગર્ગ, જિલ્લા વિકાસ અધિકારીશ્રી વી.એન.શાહ તેમજ વાલોડનાં ધારાસભ્યશ્રી મોહનભાઈ ઢોડિયા, વ્યારાનાં ધારાસભ્યશ્રી મોહનભાઈ કોંકણી, નિઝરનાં ધારાસભ્યશ્રી જયરામભાઈ ગામીત અતિથિ વિશેષ પદે પધારશે.
તાલુકા કક્ષાએ નિબંધ સ્પર્ધા, વકૃત્વ સ્પર્ધા, ચિત્ર સ્પર્ધા, સર્જનાત્મક કારીગીરી, હળવું કંઠય સંગીત, સમૂહગીત, લોકવાદ્ય સંગીત, ભજન, લોકવાર્તા, એકપાત્રીય અભિનય વિગેરે સ્પર્ધાઓ યોજાઈ હતી. જેમાં પ્રથમ ક્રમે વિજેતા થયેલ સ્પર્ધકો જિલ્લાકક્ષાએ ભાગ લેશે.
લોક નૃત્ય, લોક ગીત, શાસ્ત્રીય કંઠય સંગીત-હિન્દુસ્તાની, શાસ્ત્રીય કંઠય સંગીત – કર્ણાટકી, સીતાર, વાંસળી, તબલા, વીણા, મૃદંગમ, હાર્મોનિયમ (હળવું), ગિટાર, શાસ્ત્રીય નૃત્ય-ભરતનાટયમ, કથ્થક, મણીપુરી, ઓડીસી, કુચીપુડી તથા શીઘ્ર વકૃત્વ (હિન્દી/અંગ્રેજી), એકાંકી (હિન્દી/અંગ્રેજી) વિગેરે જિલ્લા કક્ષાએ સીધી શરૂ થતી સ્પર્ધાઓ યોજાશે.
About The Author
