પ્રકૃતિ યુવા ચેરિટેબલ ટ્રસ્ટ ડોલારા દ્વારા ક્રિકેટ ગ્રાઉન્ડના ફરતે 1000 વૃક્ષો રોપાયા
(પ્રતિનિધિ દ્વારા, વ્યારા) : પ્રકૃતિ યુવા ચેરિટેબલ ટ્રસ્ટ ડોલારા દ્વારા ક્રિકેટ ગ્રાઉન્ડના ફરતે તા.30.7.2023 નાં રોજ વૃક્ષારોપણ કાર્યક્રમ કરવામાં આવ્યો હતો. આ કાર્યક્રમ માં ટ્રસ્ટ દ્વારા અને ગ્રામ પંચાયત દ્વારા આશરે 1000 વૃક્ષો રોપવામાં આવ્યા હતા.. આ વૃક્ષારોપણ કાર્યક્રમ માં ડોલારા ગામ નાં સરપંચ શ્રીમતી અતિલાબેન નીતેશભાઈ ગામીત, જિલ્લા યુવા વિકાસ અધિકારી શ્રી અમૃતાબેન ગામીત અને કમિશનર શ્રી મહિલા અને બાળ અધિકારીની કચેરી પ્રેરિત જિલ્લા વિવિધ લક્ષી મહિલા કેન્દ્ર તથા જિલ્લા કાનુની સેવા સત્તા મંડળ તાપીના પેરા લિગલ વોલિયન્ટર્સ એવા મીના/મધુબેન પરમાર તથા દુધ મંડળીના પ્રમુખ શ્રી અનિલભાઈ ગામીત અને ગોપીબેન તથા પ્રકૃતિ યુવા ચેરિટેબલ ટ્રસ્ટના પ્રમુખ શ્રી મહેન્દ્ર ગામીત ટ્રસ્ટના સભ્યો, યુવાનોનાં સહયોગ દ્વારા વૃક્ષારોપણ કાર્યક્રમ સફળતા પુર્વક પાર પાડવામાં આવ્યો હતો. વધુ માં મીનાબેન પરમાર દ્વારા જિલ્લા વિવિધ લક્ષી મહિલા કેન્દ્ર તાપી તથા જિલ્લા કાનુની સેવા સત્તા મંડળ તાપી વિશે વિસ્તૃત માહિતી આપી હતી અને જિલ્લા યુવા વિકાસ અધિકારી શ્રી અમૃતાબેન ગામીત દ્વારા વૃક્ષારોપણ કરવાની સાથે તેની માવજત કરવા સુચન કર્યું હતું.
About The Author
