સી. એન. કોઠારી હોમિયોપેથીક મેડીકલ કોલેજમાં ગૂરૂ પૂર્ણિમાની ઉજવણી
(પ્રતિનિધિ દ્વારા, વ્યારા) : સી. એન. કોઠારી હોમિયોપેથીક મેડીકલ કોલેજ અને રિસર્ચ સેન્ટર, વ્યારા અને HMAI વ્યારા યુનિટે તા.૦૩/૦૭/૨૦૨૩ ના રોજ ‘‘ગુરૂ પૂર્ણિમા’’ની ઉજવણી કરી હતી. આ ખાસ પ્રસંગે બી.એચ.એમ.એસ.ના ચોથા વર્ષના વિદ્યાર્થીઓએ કેક કાપીને ‘‘ગુરૂ પૂર્ણિમા’’ની ઉજવણી કરી હતી. તેઓએ તમામ ‘‘ગુરૂઓની પ્રશંસા કરી હતી. બી.એચ.એમ.એસ.ના ચોથા વર્ષના વિદ્યાર્થીઓ, સ્ટાફ સભ્યો અને આચાર્ય ડૉ. (શ્રીમતિ) જયોતિ રાવ આ પ્રસંગે તેમના વિચારો વ્યકત કર્યા હતા. બી.એચ.એમ.એસ.ના ચોથા વર્ષના વિદ્યાર્થીઓ દ્વારા કરવામાં આવેલ ઉજવણીની તમામ સ્ટાફ સભ્યોએ પ્રશંસા કરી હતી. આ દિવસે કોલેજના વિદ્યાર્થીઓ દ્વારા તૈયાર કરાયેલ સુંદર ‘‘રંગોળી” જે ગુરૂ અને શિષ્ય”નું પ્રતિનિધિત્વ કરે છે તેમજ દરેક વર્ગના L.R. અને C. R. ચાર્ટ પેપર પર તેમના અવતરણો અને વિચારો રજૂ કર્યા હતા, જે નોટીસ બોર્ડ પર પ્રદર્શિત કરેલ છે.
સમગ્ર કાર્યક્રમનું સંકલન પ્રિન્સીપાલ ડૉ. (શ્રીમતિ) જયોતિ આર. રાવના સફળ માર્ગદર્શન હેઠળ ડૉ.સ્વપ્નિલ ખેંગાર અને પ્રવૃત્તિ સમિતિની ટીમ દ્વારા કરવામાં આવ્યું હતું.
About The Author
