તાપી : નિઝરનાં વેલ્દા ગામે વરલી મટકાનો જુગારધામ !! : પરિવારો આર્થિક રીતે પાયમાલ !!
(મુકેશ પાડવી દ્વારા, વેલ્દા-નિઝર) : તાપી જિલ્લાના નિઝર તાલુકાના વેલ્દા ગામમાં વરલી મટકાના જુગારને કારણે શ્રમજીવીઓ તેમજ આર્થિક નબળા વર્ગના લોકો આર્થિક રીતે ચૂસીઈ રહ્યા છે ત્યારે વેલ્દા વરલી મટકાના જુગારના કૃત્ય માટે પણ પ્રખ્યાતા બની રહ્યું છે.
મળતી માહિતી અનુસાર, વેલ્દા ગામમાં પલસાણાથી આવેલ બે ઈસમો વરલી મટકાનો જુગાર ધામ ચલાવે છે. એક જાગૃત નાગરિક દ્વારા નિઝર પોલીસ સ્ટેશનમાં આ વરલી મટકા ચલાવનાર સામે કાયદાકીય કાર્યવાહી કરવામાં આવે એવી મૌખિક રજૂઆત કરવામાં આવી હતી. પરંતુ નિઝર પોલીસ તંત્ર દ્વારા કોઈ પગલાં લેવામાં નહીં આવતા હાલમાં પણ વરલી મટકાનો જુગાર ધમધોકાર ચાલી રહયો છે. વરલી મટકાનો જુગાર રમાડનાર ઈસમો જાગૃત નાગરિકોને ધમકી આપતા કહે છે કે અમે ઉપર સુધી હપ્તા આપતા છે ? અમારા વરલી મટકાના જુગારને કોઈ બંધ કરાવી શકે એમ નથી ? નિઝર પોલીસ તંત્રનો અસામાજિક તત્વો ઉપર હાક અને ધાક નથી રહ્યો તે વાતની પ્રતિતિ વરલી મટકા જુગારનાં ધમધમી રહેલા અડ્ડાઓ ઉપરથી થઈ રહી છે. ખુલ્લેઆમ વરલી મટકાના જુગાર રમાડવામાં આવે છે છતાં પણ નિઝર પોલીસ તંત્ર જાણે ઘોર નિંદ્રામાં ઉંઘી રહ્યુ છે ?! તે સ્પષ્ટ દેખાય આવે છે.
વરલી મટકાનાં જુગાર રમાડનારા સાથે નિઝર પોલીસ તંત્ર દ્વારા સેટિંગ કરી લેવામાં આવતું હોય તેવું વરલી મટકાના જુગાર રમાડનાર દ્વારા લોકોને જણાવવામાં આવે છે !! હાલમાં એ જોવાનું રહયું કે વરલી મટકાના જુગાર રમાડનાર સાથે ફરી એક વાર નિઝર પોલીસ તંત્ર દ્વારા સેટિંગ કરી લેવામાં આવશે કે જુગારધામ કાયમ માટે બંધ થશે ? જે આવનારા સમયમાં ખબર પડશે.
About The Author
