ડો.માર્કંડભાઈ ભટ્ટની 13મી પુણ્યતીથી નિમિત્તે પનિયારી ખાતે નિ:શુલ્ક હોમિયોપેથીક કેમ્પનું આયોજન કરાયુ
(પ્રતિનિધિ દ્વારા, વ્યારા) : સી.એન.કોઠારી હોમિયોપેથીક કોલેજ અને રિચર્ચ સેન્ટર,વ્યારા સંલગ્ન કાલિદાસ હોસ્પિટલ,વ્યારા દ્વારા, ડો.માર્કંડભાઈ ભટ્ટની 13મી પુણ્યતીથી નિમિત્તે નિ:શુલ્ક હોમિયોપેથીક કેમ્પનું આયોજન તા.01/06/2023, ગુરૂવાર ના રોજ સવારે 9.30 થી 12.00 વાગ્યા દરમિયાન પનિયારી ખાતે કરવામાં આવ્યું. આ કેમ્પ પનિયારી ગામના સરપંચ શ્રીમતિ ઉષાબેન ગામીત,કોલેજના પ્રિન્સીપાલ ડો.જ્યોતિ રાવ , ગં.સ્વ.તરલિકાબેન માર્કંડભાઈ ભટ્ટ , સંસ્થાના ટ્રસ્ટી શ્રી દિનેશભાઇ ભટ્ટ ના હસ્તે દીપ પ્રાગટ્ય કરીને કેમ્પનો શુભારંભ કરવામાં આવ્યો હતો.આ કેમ્પ માં દર્દીઓને ની:શુલ્ક હોમિયોપેથીક દવા અને બિસ્કીટનું વિતરણ કરવામાં આવ્યું હતું.
આ કેમ્પમાં ડો.સ્વપ્નીલ ખેંગાર,ઇન્ટરની તેમજ વિદ્યાર્થીઓએ સેવા આપી હતી.આ કેમ્પનું સંપૂર્ણ આયોજન કોલેજના આચાર્ય ડો. જ્યોતિ રાવના માર્ગદર્શન હેઠળ ડો.વૈશાલી ચૌધરી અને તેમની ટીમ દ્વારા કરવામાં આવ્યું હતું.
About The Author
