ઓલપાડની કીમ પ્રાથમિક શાળામાં સીઆરસી કક્ષાનો વિજ્ઞાન મેળો યોજાયો
(પ્રતિનિધિ દ્વારા, સુરત) : જિલ્લા શિક્ષણ અને તાલીમ ભવન, સુરત પ્રેરિત સી.આર.સી. કક્ષાનો વિજ્ઞાન મેળો ક્લસ્ટર રિસોર્સ સેન્ટર, કીમ દ્વારા અત્રેની કીમ પ્રાથમિક શાળામાં યોજવામાં આવ્યો હતો.
કુલ પાંચ વિભાગમાં યોજાયેલ આ વિજ્ઞાનમેળામાં કીમ કેન્દ્ર સંલગ્ન પ્રાથમિક શાળાઓનાં બાળકોએ સાત કૃતિઓ રજૂ કરી હતી. જે પૈકી વિભાગવાર પાંચ કૃતિઓ શ્રેષ્ઠ જાહેર કરવામાં આવી હતી. જે આ મુજબ છે. વિભાગ-૧ સ્પીડ બ્રેકર દ્વારા ઉર્જા (શિવાજીનગર પ્રાથમિક શાળા), વિભાગ-૨ સૌર સિંચાઈ પદ્ધતિ (આશિયાનાનગર પ્રાથમિક શાળા), વિભાગ -૩ ખાદ્ય સામગ્રી ગોળી (કઠોદરા પ્રાથમિક શાળા), વિભાગ -૪ પરિવહન (કીમ પ્રાથમિક શાળા), વિભાગ -૫ મેજીક બોક્ષ (કુડસદ પ્રાથમિક શાળા) આ કૃતિઓ આગામી તાલુકા કક્ષાનાં વિજ્ઞાનમેળામાં ભાગ લેશે.
તમામ બાળ વૈજ્ઞાનિકોને સી.આર.સી. કો-ઓર્ડિનેટર આકાશ પટેલે પ્રમાણપત્ર તથા મોમેન્ટો અર્પણ કરી અભિનંદન પાઠવ્યા હતાં. અંતમાં કીમનાં કેન્દ્રશિક્ષક દિનેશ પટેલે સૌનો આભાર વ્યક્ત કર્યો હતો. એમ તાલુકાનાં પ્રચાર-પ્રસાર પ્રતિનિધિ વિજય પટેલ એક અખબારી યાદીમાં જણાવે છે.
About The Author
