સોનગઢ સાર્વજનિક હાઇસ્કુલમાથી લેપટોપ સહિત સાંઈઠ હજારની ચોરી
(પ્રતિનિધિ દ્વારા, વ્યારા) : તાપી જીલ્લામાં સોનગઢ સાર્વજનિક હાઇસ્કુલમા આચાર્યશ્રી તથા સિનિયર ક્લાર્કની બંધ ઓફિસમા ચોરટાઓ કલા કરી ગયા.
સોનગઢ પોલીસ સૂત્રો પાસેથી પ્રાપ્ત માહિતી અનુસાર ગત .તા.૧૦/૧૧/૨૦૨૨ ના સાંજે 6 વાગ્યાથી તા-૧૧/૧૧/૨૦૨૨ ના સવારે 7 વાગ્યા દરમ્યાન સોનગઢની સાર્વજનિક હાઇસ્કુલમા આવેલ આચાર્યશ્રી તથા સિનિયર ક્લાર્કની ઓફિસમાં રાત્રે ગુપ્ત ગ્રુહ પ્રવેશ કરી ઓફીસના તાળા તોડી ઓફીસના લોખંડના કબાટમા રાખેલ (૧) આસુશ કંપનીનુ લેપટોપ જેની આશરે કિં-૨૫,૦૦૦/- તથા (૨) WD કંપનીની હાર્ડીસ્ક આશરે કિંમત રૂ,૪૫૦૦/- તથા (૩) GS-411 કંપનીનુ એક હેડ ફોન જેની આશરે કિં,રૂ,૧૦૦૦/- તથા હેડ ક્લાર્કની ઓફીસના કબાટમાં રાખેલ લોખંડની તિજોરી માંથી રોકડા રૂ,૩૦,૦૦૦/- મળી કુલ્લે કિ.રૂ.૬૦,૫૦૦/- ની મત્તાની કોઈ અજાણ્યા ચોર ઇસમે ચોરી કરી લઈ નાસી જતાં, શાળાનાં આશિષભાઇ ઇશ્વરભાઇ ગામીતે ફરિયાદ આપતા સોનગઢ પોલીસે ગુનો નોંધી તપાસ હાથ ધરી છે.
આ ગુનાની વધુ તપાસ સોનગઢ પોલીસ સ્ટેશનના પો.સ.ઇ કે.આર.ચૌધરી કરી રહ્યા છે.
About The Author
