મોટામિયાં માંગરોળની ગાદી ખાતે ઇદે મિલાદની ભવ્ય ઉજવણી
ભારત સહિત સમગ્ર વિશ્વમાં સૌહાર્દનો માહોલ સર્જાય માટે વિશેષ અભ્યર્થના કરાઇ
(પ્રતિનિધિ દ્વારા, સુરત) : ચિશ્તીયા સિલસિલાની મોટામિયાં માંગરોલની મુખ્ય ગાદીએ ખાતે ઇદે મિલાદની કોમી એકતાભર્યા માહોલમાં ભવ્ય ઉજવણી કરવામાં આવી હતી. પવિત્ર બાલમુબારકની જિયારત પણ કરાવવામાં આવી હતી. દરગાહ કંપાઉન્ડમાં મોટામિયાં માંગરોલની ગાદીનાં વર્તમાન ગાદીપતિ હિઝ હોલીનેસ ખ્વાજા સલીમુદ્દીન ફરીદુદ્દીન ચિશ્તીનાં સુપુત્ર – અનુગામી ડો. મતાઉદીન ચિશ્તીની વિશેષ ઉપસ્થિતિમાં પયગંબર સાહેબનાં પવિત્ર બાલમુબારકની ઝિયારત અકીદતમંદોએ કરી તેમજ કોમી એકતા અને ભાઇચારા માટે વિશેષ દુઆ કરવામાં આવી હતી.
આ કાર્યક્રમમાં ઇરફાનભાઇ મકરાણી, ઇમરાનખાન પઠાણ, જાવેદભાઇ પઠાણ, આકીબભાઇ પઠાણ, સઇદભાઇ જીવા યામીનભાઇ કુરેશી, સોયબભાઇ રાવત, સલીમભાઇ સેગવા, સીરહાનભાઈ કડીવાલા, ફિરોઝભાઈ સહિત ભક્તસમાજનાં લોકો જોડાયા હતા. આ પ્રસંગે ડો. મતાઉદ્દીન ચિશ્તી દ્વારા ઉપસ્થિત માનવમેદનીને પયગંબર સાહેબનાં જીવનબોધને પોતાનાં જીવનમાં અપનાવવા હાકલ કરી હતી. તેમનાં દ્વારા ઉપસ્થિત માનવમેદનીને પયગંબર સાહેબનાં જીવનબોધને પોતાનાં જીવનમાં અપનાવવા હાકલ કરાઇ હતી.
About The Author
