વેડછા પાટિયા પાસેથી દેશી તમંચા, જીવતા કારતૂસ સાથે યુવક ઝડપાયો
Contact News Publisher
(સુશાંત શીંદે દ્વારા, સુરત) : -સુરત-કડોદરા વેડછા પાટિયા પાસેથી એક શખ્સને પોલીસે બાતમીને આધારે દેશી તમંચા સાથે પકડી પાડયો હતો. પકડાયેલા શખ્સની બેગમાંથી બે દેશી તમંચા અને જીવતા કારતૂસ મળી આવ્યા હતા. પુણા પોલીસે હડમાન ઉર્ફે પ્રિન્સ ઉર્ફે હરી મુન્નીરામ સારસ્વત(28) છે અને તે રાજસ્થાનનો રહેવાસી છે. દેશી તમંચો લઈ આરોપી રાજસ્થાન જતો હતો.
આ પિસ્તોલથી તે રાજસ્થાનમાં લોકોને ડરાવી ધમકાવી ખંડણી માંગવાનો હતો. આ પિસ્તોલ ખરીદી કરવા માટે મિત્ર નિર્મલ ઉર્ફે નિરૂ રમેશ જાંગીડના એક મિત્ર દાઉદને વાત કરી હતી. દાઉદે એમપીથી આ પિસ્તોલ મંગાવી આપી હતી. દાઉદ સાથે વાત કરાવી પછી અજાણ્યો હડમાન ઉર્ફે પ્રિન્સે બે દેશી તમંચા અને જીવતા કારતૂસ આપી ચાલી ગયો હતો. હાલમાં પુણા પોલીસે નિર્મલ ઉર્ફે નિરૂ, દાઉદ અને અજાણ્યો શખ્સને વોન્ટેડ જાહેર કર્યો છે.
About The Author