વઘઇ તાલુકા કોંગ્રેસ સમિતિ દ્વારા ચૂંટાયેલા સરપંચ તેમજ સભ્યોનો સન્માન સમારંભ યોજાયો
(અર્જુન જાધવ દ્વારા, વઘઈ) : વઘઇ તાલુકા કોંગ્રેસ સમિતિ દ્વારા ચૂંટાયેલા સરપંચ તેમજ સભ્યોનું સન્માન સમારંભ દોડીપાડા ખાતે રાખવામાં આવ્યો હતો.જેમાં આઠ ચૂંટાયેલ સરપંચો અને વોર્ડ સભ્યોનું શાલ ઓઢાડીને પુષ્પ આપી સન્માન કરી શુભકામના પાઠવવામાં આવી હતી.
ડાંગ જિલ્લા કોંગ્રેસ સમિતિ તેમજ વઘઇ તાલુકા કોંગ્રેસ સમિતિ દ્વારા વઘઇ તાલુકા ના તાજેતર માં યોજોયેલ તેર સરપંચો ની ચૂંટણી માં કોંગ્રેસ સમર્થિત આંઠ સરપંચો નો જલવંત વિજય થયો હતો જેમને આજે દોડીપાડા ખાતે વિજેતા સરપંચો તથા વોર્ડ મેમ્બરો નું જિલ્લા ના પ્રભારી વાંસદા ના જાબાંઝ ધારાસભ્ય અનંત પટેલ ના હસ્તે શાલ ઓઢાડી પુષ્પગુચ્છ આપી સંમ્માન કરવામાં આવ્યું.
આ સમારંભ માં જિલ્લા કોંગ્રેસ ના પ્રમુખ મોતીલાલ ચૌધરી,પૂર્વ પ્રમુખ ગૌતમ પટેલ,પ્રદેશ કોંગ્રેસ ના મંત્રી તબરેઝ અહેમદ (બબલુ),મુકેશ પટેલ,યુવા પ્રમુખ રાકેશ પવાર ,ગીતાબેન પટેલ,પાંડુરંગ ભાઈ ,કિશોરીબેન ,દાદા માને ,સાલેમ પવાર હાજર રહ્યા હતા..
વઘઇ તાલુકા કોંગ્રેસ પ્રમુખ ગમન ભોયે સ્વાગત પ્રવચન કરતા સૌને આવકર્તા પ્રાસંગીક પ્રવચન કર્યું હતું. મોતીલાલ ચૌધરીએ ચૂંટાયેલ સરપંચો અને સભ્યોને અભિવાદન પાઠવતા પંચાયતી રાજને મજબૂત કરવા અપીલ કરી હતી.ધારાસભ્ય અનંત પટેલે સરપંચોને કામગીરી દરમિયાન જો રાજકીય પક્ષો આડે આવે તો સાથે ઉભા રહેવાની ખાતરી આપી અને સરપંચ પદની તાકાત ગ્રામ પંચાયતમાં બંધારણની જોગવાઈ અને મહત્વ સમજાવ્યું હતું.આ કાર્યક્રમ નું સંચાલન ખાલપાભાઈ, તુષાર કામળી,મોહન ભોંયે,અર્જુન જાદવ,કૃણાલ ભોંયે સંતોષ મોહિતે એ કાર્યક્રમ સફળ બનાવ્યો હતો ..
About The Author
