ઉચ્છલ તાલુકામાંથી ત્રણ વર્ષનું અજાણ્યુ બાળક મળી આવ્યું : શું આપ આકાશનાં વાલી-વારસોને ઓળખો છો ?
(પ્રતિનિધિ દ્વારા, વ્યારા) : નવાપુર રેલ્વે સ્ટેશનથી ઉચ્છલ હનુમાન ફળીયા તરફ જતા રસ્તા પર ત્રણ વર્ષનું એક અજાણ્યુ બાળક મળી આવેલ છે, આ બાળક વિષે જો કોઇ માહિતી હોય તેના વાલી વારસોને ઓળખતાં હોય તો માહિતિ આપવા વિનંતી કરાઈ છે.
ઉચ્છલના હનુમાન ફળીયામાં રહેતા અર્જુનભાઈ કાલુસીંગભાઈ ગામીત ઉ . વ . ૩૨ રહે . ગત તા. 20/11/19 ના રોજ બપોરના સમયે નવાપુર રેલ્વે સ્ટેશનથી ઉચ્છલ હનુમાન ફળીયા તરફ જતા હતા ત્યારે રસ્તા પર એક અજાણ્યુ બાળક મળી આવેલ હતુ, જેની ઉંમર આશરે ત્રણેક વર્ષની છે, જે પોતાનું નામ આકાશ છે એટલુ જ જણાવે છે. જે પોતાનું ઘર કે માતાપિતા વીશે કોઈ માહિતી જાણતું ન હોવાથી આકાશને ઉચ્છલ પોલીસને જાણ કરી સોંપી દીધો હતો. મળી આવેલ બાળકના હેલ્થ તથા બાળકના હિતમાં યોગ્ય નિર્ણય કરવા માટે બાળકને તાપી જિલ્લા બાળ સુરક્ષા અધિકારીને સોંપવામાં આવેલ છે. મળી આવેલ બાળક આકાશને કમર ના ભાગે જમણી બાજુ કાળા દાગના નિશાન છે. બાળક ગુજરાતી અને મરાઠી જેવી મિક્સ ભાષામાં તૂટક તૂટક બોલી જાણે છે. ઉપરોકત ફોટો મળી આવેલ બાળક આકાશનો છે. આ બાળક વિષે જો કોઇ માહિતી હોય તેના વાલી વારસોને ઓળખતાં હોય તો તાપી જિલ્લા બાળ સુરક્ષા અધિકારી ના મોબાઇલ નંબર 8849124031 ઉપર અથવા કચેરીના નંબર 02626-222203 ઉપર જાણ કરવા વિનંતી કરવામાં આવી છે.
About The Author
