વરાછાના મસાજ પાર્લરમાં ભૂરી ડોનની ગેંગનો આતંક, ચપ્પાની અણીએ ચલાવી લૂંટ
(દિપા મોરે દ્વારા, સુરત) : વરાછામાં કુખ્યાત ભૂરી ડોનની ગેંગનો આંતક જોવા મળ્યો હતો. વરાછાના મારૂતિ ચોકના અનમોલ મસાજ પાર્લરમાં ભૂરી ડોનના સાગરીતોએ લૂંટ ચલાવી હતી. તેના સાગરીતો પાર્લરમાં ઘૂસી ગયા હતા અને ચપ્પાની અણીએ મોબાઈલ ફોન તથા રોકડ 14 રૂપિયાની લૂંટ ચલાવી હતી. જેના કારણે વરાછા પોલીસમાં ભૂરી ડેનના સાથીદારો વિરુદ્ધ ફરિયાદ નોંધાવવામાં આવી હતી. આ લૂંટમાં માથાભારે ભૂરી ડોનની સંડોવણી છે કે નહીં તે અંગે પોલીસ તપાસ કરી રહી છે. વરાછા મારૂતિ ચોક ખાતે અનમોલ મસાજ પાર્લર આવ્યો છે. વિશ્વરૂપ વરૂણ ડે આ પાર્લર ચલાવે છે જે હાલમાં પુણા ખાતે રહે છે અને મૂળ પશ્ચિમ બંગાળનો છે. વિશ્વરૂપ ગુરૂવારે સાંજના સમયે પાર્લરમાં કામ કરી રહ્યો હતો ત્યારે સ્થાનિક વિસ્તારની માથાભારે ભૂરી ડોનના સાથીદાર એવો નાનો ભરવાડ, રવિ ગોંસાઈ, રાહુલ ઘોડો, અભી બાવા અને દિલીપ દરબાર પાર્લરમાં ઘૂસી ગયા હતા અને આતંક મચાવ્યયો હતો.
લૂંટ બાદ વરાછા પોલીસે લૂંટનો ગુનો નોંધ્યો હતો અને દિલીપ દરબારને ઝડપી પાડ્યો હતો. જ્યારે બાકીના તેના સાગરીતોને પકડવા માટે ચક્રો ગતિમાન કર્યા છે. આ ઉપરાંત લૂંટમાં ભૂરી ડોનની ભૂમિકા છે કે નહીં તે અંગે પણ પોલીસ તપાસ કરી રહી છે. નોંધનીય છે કે દિલીપ અને તેના સાગરિતોએ નાણાકીય લેવડ-દેવડમાં કપોદ્રા વિસ્તારમાં પણ આતંક મચાવ્યો હતો. આ ઉપરાંત અગાઉ પણ ભૂરી ડોન અને તેના સાગરીતોએ આતંક મચાવ્યો હોવાની ઘટનાઓ બની છે
About The Author
