ઓલપાડની કરંજ પ્રાથમિક શાળાનાં બાળકોએ તિથિ ભોજનનો આસ્વાદ માણ્યો
Contact News Publisher
(દિપા મોરે દ્વારા, સુરત) : જિલ્લા પંચાયત શિક્ષણ સમિતિ, સુરત સંચાલિત ઓલપાડ તાલુકાની કરંજ પ્રાથમિક શાળામાં જીણોદ ગામનાં વતની દિપકભાઈ જગજીવનભાઈ પટેલ ( હાલ અમેરિકા ) તરફથી તમામ બાળકોને તેમનાં પિતા સ્વ.જગજીવનભાઈ પરાગભાઇ પટેલનાં સ્મરણાર્થે તિથિ ભોજન કરાવવામાં આવ્યું હતું. સાથે જ પ્રત્યેક બાળકને સ્મૃતિરૂપે વોટરબેગ પણ અર્પણ કરવામાં આવી હતી.
શાળાનાં મુખ્યશિક્ષિકા શ્રીમતી જાગૃતિબેન પટેલે બાળકોને તિથિ ભોજનનું મહાત્મ્ય સમજાવી દાતાનો આભાર વ્યક્ત કર્યો હતો. બાળકો હસતાં-રમતાં સાત્ત્વિક ભોજનનો આનંદ લે તે માટે શાળાનાં ઉપશિક્ષકો કાંતિ પટેલ, નિલેશ પટેલ, પારૂલ પટેલ, મિનાક્ષી પટેલ તથા પ્રેક્ષા પટેલે જહેમત ઉઠાવી હતી.
About The Author