ગુજરાતના ધોડિયા આદિવાસીઓ સંપૂર્ણ રીતે પ્રાકૃતિ વસ્તુઓમાંથી બનતા આ ‘પેટીયું’ ની મદદથી આખુ વર્ષ કઠોળ સાચવે છે
Contact News Publisher
(મુકેશ પાડવી દ્વારા, વેલ્દા-નિઝર) : આપણે ભલે આધુનિક જીવન જીવી રહ્યા છીએ પરંતુ આદિવાસી સમાજના ઘણા લોકો આજે પણ આદિકાળથી ચાલી આવતી પરંપરાઓને જ અનુસરી તેમને જીવંત રાખે છે. જેમાંનું એક છે ‘પેટીયું’, જેનો ઉપયોગ કઠોળના સંગ્રહ માટે કરવામાં આવે છે. ગુજરાતના ધોડિયા આદિવાસીઓ સંપૂર્ણ રીતે પ્રાકૃતિ વસ્તુઓમાંથી બનતા આ ‘પેટીયું’ ની મદદથી આખુ વર્ષ કઠોળ સાચવે રાખે છે. જેનો આકાર પેટ જેવો હોય છે. ડાંગરના પૂળા અને છાણ માટીના ઉપયોગથી બનાવવામાં આવેલ આ પેટીયું કઠોળ સંગ્રહવા માટેની અદભુત રીત ઉપયોગી ગણવામાં આવે છે. જેમાં બહારના પડ પર છાણ-માટીનું આવરણ હોવાથી અંદરનું તાપમાન જળવાઈ રહે છે. તેમજ ભેજ અને જીવાતનો ભય પણ નથી રહેતો. આમાં તુવેર, વાલ, ચણા, મગ, અડદ જેવાં કઠોળને વર્ષો સુધી સાચવી શકાય છે.
About The Author