માંગરોળની નાનીનરોલી કોંગ્રેસની જિલ્લા પંચાયત બેઠક અને એમાં સમાવિષ્ટ 5 તાલુકા પંચાયતના ઉમેદવારો અને આગેવાનોની મોસાલી ખાતે મળેલી બેઠક
(નઝીર પાંડોર દ્વારા, માંગરોળ) : માંગરોળ તાલુકાની નાનીનરોલી કોંગ્રેસની જિલ્લા પંચાયત બેઠક અને એમાં સમાવિષ્ટ 5 તાલુકા પંચાયત ના ઉમેદવારો અને આગેવાનોની આજે મોસાલી, કોગ્રેસ કાર્યાલય ખાતે તાલુકા કોંગ્રેસના પ્રમુખ સોનજીભાઈ વસાવાની ઉપસ્થિતિમાં મળી હતી. આ બેઠકનો પ્રારંભ રમણભાઈ ચૌધરી, સુરેશભાઈ વસાવા, સોનજીભાઈ વસાવા, સંતોષ ભાઈ મેસુરીયા વગેરેઓએ ચૂંટણીનાં પ્રચાર માટે આયોજન કરવા અંગે વિસ્તૃત માહિતી આપી હતી. જ્યારે નાનીનરોલી જિલ્લા પંચાયત બેઠકનાં ઉમેદવાર એડવોકેટ દર્શન ભાઈ નાયકે પોતાનાં વક્તવ્યમાં જણાવ્યું કે ચૂંટણીનાં મતદાન માટેનાં દિવસો ખૂબ જ ઓછા રહયા છે. ત્યારે આવતી કાલથી જ પ્રચાર કાર્યમાં ઉમેદવારો અને આગે વાનોને લાગી જવા હાકલ કરી હતી. એમણે આસા વ્યક્ત કરી કે આ વખતે માંગરોળ, તાલુકા પંચાયત અને સુરત જિલ્લા પંચાયતની સતા કોગ્રેસ કબ્જે કરશે.આ બેઠકમાં મકસુંદ માજરા(લાલ), અસલમ માજરા સહિત મોટી સંખ્યામાં કોંગી આગેવાનો હાજર રહ્યા હતા.
About The Author
