માંગરોળ તાલુકાનાં છમૂછલ ગામનાં ૫૦ જેટલાં ખેડૂતોની ૨૦૦ વીઘા જેટલી જમીન વડોદરા-મુંબઈ એક્ષપ્રેસ વે-હાઇવે માટે સંપાદન કરાઈ, પરંતુ સંપાદનનાં એવોર્ડની રકમ ચૂકવાઈ નથી તે પહેલાં જ જમીનોની નકલમાં નોંધ પાડી દેવાતા ખેડૂતોએ મામલતદારને આપેલું આવેદનપત્ર
(નઝીર પાંડોર દ્વારા, માંગરોળ) : માંગરોળ તાલુકાનાં છમૂછલ ગામનાં ૫૦ જેટલાં ખેડૂતોની ૨૦૦ વીઘા જેટલી જમીન વડોદરા-મુંબઈ એક્ષપ્રેસ વે-હાઇવે માટે સંપાદન કરાઈ છે. પરંતુ સંપાદનનાં એવોર્ડની કોઈ રકમ ચૂકવવામાં આવી નથી. તે પહેલાં જ જમીનોની ૭/૧૨ ની નકલોમાં સંપાદનની નોંધ ૨૦૨૫ થી પાડી દેવાતા ખેડૂતોએ માંગરોળનાં મામલતદાર ડી.કે.વસાવાને આવેદનપત્ર આપી આ નોંધ રદ કરવા માંગ કરી છે. આવેદનપત્રમાં જણાવવામાં આવ્યું છે. જે જમીન ઉપરોક્ત હાઇવે માટે આ ગામની જે જમીન સંપાદન કરાઈ છે.એ પ્રશ્ને આ અસરગ્રસ્ત ખેડૂતોએ જાહેરનામા વિરૂધ્ધ સરકાર કક્ષાએ અનેકો વખત રજુઆત કરી છે. સાથે જ વાંધા ઓ પણ રજૂ કર્યા છે.હજુ સુધી ખેડૂતોને આ જમીન પ્રશ્ને સાંભળવામાં આવ્યા નથી.સંપાદનનાં એવોર્ડની રકમ એક પણ ખેડૂતને ચુકવવામાં આવી નથી.છતાં સંપાદન વાળી જમીનની ૭/૧૨ માં સંપાદન અંગેની નોંધ ૨૦૨૫ પાડી દેવામાં આવી છે. આ અંગેની ૧૩૫ ડી ની નોટીસ પણ આપવામાં આવી નથી. સાથે જ આ પ્રશ્ને ગ્રામ પંચાયતને પણ કોઈ જાણ કરવામાં આવી નથી.જેથી આ જે કાચી નોંધ ૨૦૨૫ નામંજૂર કરવા આવેદનપત્રમાં માંગ કરવામાં આવી છે.આ પ્રસંગે રાજેન્દ્રભાઇ પરમાર, અફજલખાન પઠાણ, ઉપેન્દ્રભાઈ પટેલ, રવજીભાઈ વસાવા, સુલેમાન હાસલોદ સહિત મોટી સંખ્યામાં અસરગ્રસ્ત ખેડૂતો હાજર રહ્યા હતા.
About The Author
