તાપી : વ્યારાનાં બાલપુર ગામના પાટીયા પાસે ટ્રકે બાઈકને અડફેટે લીધી : બીજી ટ્રક બાઈકચાલકનાં માથે ફરી વળતાં સ્થળ ઉપર મોત
પ્રતીકાત્મક તસ્વીર
(પ્રતિનિધિ દ્વારા, વ્યારા) : તાપી જીલ્લાનાં વ્યારા તાલુકામાં આવેલ બાલપુર ગામના પાટીયા પાસે એક અજાણ્યા ટ્રક ચાલકે બાઈક સવારને અડફેટે લેતા માથા ઉપરથી ટ્રક ફરી વળતા બાઈક ચાલકનું સ્થળ ઉપર જ કમકમાટીભર્યું -મોત નીપજયું હતું.
વ્યારા પોલીસ મથકેથી પ્રાપ્ત વિગતો અનુસાર વ્યારાથી ઉનાઈ જતા રોડ ઉપર બાલપુર ગામના પાટીયાથી આગળ રોડ ઉપર ગત્ તા. ૧૪મીનાં અંદાજે બપોરે ૧:૩૦ કલાકે મગરકુઈના રહેવાસી નિરવભાઈ નવીનભાઈ ગામીત ઉ.વ. ર ૧ પોતાની કાળા કલરની પ્લેન્ડર મોટર સાઈકલ નંબર જી.જે. ૨૬ એ.એ. ૦૪૮૩ ઉપર બાલપુરનાં યુવક ગણેશભાઈ રમેશભાઈ ગામીતને ચલાવવા આપી બંને સાથે કપુરા થી બાલપુર ગામ જતા હતા તે દરમ્યાન બાલપુર ગામનું પાટીયું પાછળ નિકળી જતા નિરવે ગણેશને પાટીયુ નીકળી ગયુ તેમ કહેતા બાઈક ચલાવનાર ગણેશભાઈ ગામીતે બાઈક વાળતા જેસીંગપુરા ગામ તરફથી આવતી એક ટ્રકના ચાલકે પોતાના કબ્બાની ટ્રક પુર ઝડપે અને બેફિકરાઈથી ચલાવી બાઈકની સાથે એકસીડન્ટ કરી બાઈક ચાલકને તથા સાથી બેસેલને રોડ ઉપર પાડી નાખ્યા હતાં, વ્યારા તરફથી આવતી બીજી એક ટ્રકના ચાલકે પોતાના કબ્બાની ટ્રક પુર ઝડપે અને બેફિકરાઈથી ચલાવી રોડ ઉપર પડેલ ગણેશભાઈનાં માથા ઉપરથી ટ્રક ચલાવીને માથુ ફાડી નાખી નાશી છૂટયો હતો. માથુ ફાટી જતાં આશાસ્પદ યુવક ગણેશભાઈ ગામીતનું સ્થળ ઉપર જ પ્રાણ પખેરું ઉડી ગયું હતું.
જે અંગે વ્યારા પોલીસે એમ.વી. એકટ હેઠળ ગુનો નોંધી આગળની કાર્યવાહી હાથ ધરેલ છે. આ ગુનાની વધુ તપાસ વ્યારા પોલીસ સ્ટેશનમાં ફરજ બજાવતા પી.એસ.આઈ. એસ. સી. પરમાર કરી રહયાં છે.
About The Author
