વાંકલની ખાતે સ્વામી વિવેકાનંદ જન્મજયંતી નિમિત્તે રાષ્ટ્રીય યુવા દિવસની ઉજવણી કરાઇ
(નલિન ચૌધરી દ્વારા, ભડકુવા-માંગરોળ) : રમત ગમત યુવા અને સાંસ્કૃતિક પ્રવૃત્તિઓ વિભાગ, સ્વામી વિવેકાનંદ ગુજરાત રાજ્ય યુવા બોર્ડ તેમજ અખિલ ભારતીય વિદ્યાર્થી પરિષદ દ્વારા સયુંકત રીતે સરકારી વિજ્ઞાન કોલેજ ખાતે યુવા દિવસની ઉજવણી કરાઈ હતી. દીપ પ્રાગટ્ય કરી કાર્યક્રમને ખુલ્લો મુકવામાં આવ્યો હતો. આ કાર્યક્રમમાં બાળકલ્યાણ આયોગનાં હર્ષદભાઈ ચૌધરી, તાલુકા ભાજપના મહામંત્રી રમેશભાઈ ચૌધરી, ચંપકભાઈ, વાંકલ ગામનાં સરપંચશ્રી ભરતભાઈ વસાવા ઉપસ્થિત રહ્યા હતાં.
આ કાર્યક્રમમાં મનીષભાઈ પ્રજાપતિ દ્વારા સ્વામી વિવેકાનંદ ગુજરાત રાજ્ય યુવા બોર્ડની કામગીરી અંગે યુવાનોને માહિતગાર કરવામાં આવ્યા હતાં. કોરોનાકાળમાં વિનામૂલ્યે માસ્કનું વિતરણ કરતાં ઝંખવાવ ગામનાં મુસ્તાકભાઈનું સન્માન કરાયું હતું. યુવાનોને રમતગમતનાં સાધનોની કીટનું તેમજ પુસ્તકોનું વિતરણ કરવામા આવ્યું હતું. રમતગમત ક્ષેત્રે યુવાનોને આગળ લાવવા ટ્રેનરકોચ માસ્ટર ભાવિનભાઈ તેમજ એથલેટિક રનર હર્ષદભાઈ ચૌધરીએ હાજરી આપી હતી. વાંકલ નગર એબીવીપીનાં નગરમંત્રી મિહિરભાઈ પ્રજાપતિ અને અન્ય કાર્યકર્તાઓ દ્વારા આ કાર્યક્રમને પાર પાડવામાં આવ્યો હતો. આ સમગ્ર કાર્યક્રમનું સંચાલન ધર્મેશભાઈ વસાવાએ કર્યું હતું.
About The Author
