તાપી જીલ્લાને COVISHIELD વેક્સિનના કૂલ ૭૭૮૦ ડોઝ પ્રાપ્ત થયા
(માહિતી વિભાગ દ્વારા, તાપી) : તારીખ ૧૬.૦૧.૨૦૨૧ ના રોજ સમગ્ર દેશમા પ્રથમ તબક્કાનું આરોગ્ય કર્મીઓ માટેનું કોવીડ ૧૯ નું વેક્સીનેશન ડ્રાઇવ શરૂ થનાર છે. જેના ભાગરૂપે તાપી જીલ્લામા તારીખ ૧૬.૦૧.૨૦૨૧ના રોજ કોવિડ-૧૯ વેક્સિનેશન ડ્રાઈવનું ચાર સ્થળોએ લોન્ચીંગનું આયોજન કરેલ છે.
૧) જનરલ હોસ્પિટલ, વ્યારા,
૨) સામુહિક આરોગ્ય કેન્દ્ર, ગડત,
૩) પ્રાથમિક આરોગ્ય કેન્દ્ર, બુહારી અને
૪) પ્રાથમિક આરોગ્ય કેન્દ્ર, સિંગપુર.
• આજ રોજ તાપી જીલ્લાને કોવિડ-૧૯ વેક્સિનેશન માટે SERUM INSTITUTE OF INDIA, PUNE દ્વારા તૈયાર કરવામાં આવેલ COVISHIELD વેક્સિન મળેલ છે જે સંપુર્ણ સુરક્ષિત છે.
• જીલ્લાને COVISHIELD વેક્સિનના કૂલ-૭૭૮૦ ડોઝ મળેલ છે જે પૈકી ૭૦ ડોઝ સેન્ટ્રલ ગવર્નમેન્ટના હેલ્થ કેર વર્કર્સ માટે તથા ૭૭૧૦ ડોઝ સ્ટેટ ગવર્નમેન્ટના હેલ્થ કેર વર્કર્સ માટે ફાળવવામાં આવેલ છે. આ રસીકરણ માટે તાપી જીલ્લામાં સરકારી તથા ખાનગી સંસ્થાના કૂલ-૬૩૩૧ હેલ્થ કેર વર્કર્સની નોંધણી કરવામાં આવેલ છે.
• કોવિડ-૧૯ વેક્સિનેશન ડ્રાઈવ લોન્ચીંગ સાઈટ દીઠ પ્રથમ ૧૦ લાભાર્થીઓ પૈકી ૫ ડોક્ટર્સ (સરકારી તથા ખાનગી) તથા ૫ અન્ય સ્ટાફ (પેરામેડિકલ સ્ટાફ, સ્ટાફનર્સ, ડ્રાઈવર, વોર્ડ આયા, વોર્ડ બોય)ને વેક્સિનેશન કરવામાં આવશે ત્યારબાદ અન્ય હેલ્થ કેર વર્કર્સને વેક્સિનેશન કરવામાં આવશે.
• જીલ્લા વહીવટીતંત્ર દ્વારા માનવબળ, લોજીસ્ટીક, કોલ્ડ ચેઇન અને તાલીમ અંગેની સંપુર્ણ તૈયારીઓ કરવામા આવેલ છે. જીલ્લાના વિવિધ સ્થળોએ બે તબક્કાઓમા રસીકરણનું ડ્રાય રન (મોક ડ્રીલ) સફળતાપુર્વક પુર્ણ કરવામા આવેલ છે.
About The Author
