વ્યારા પોસ્ટ ખાતે કાર્યરત કર્મચારીશ્રી સોમાભાઈ કે. ગામીત વય નિવૃત થતા વિદાય સમારંભ યોજાયો
(પ્રતિનિધિ દ્વારા, વ્યારા) : આજ રોજ તારીખ 05.01.2021 નાં રોજ વ્યારા પોસ્ટ ખાતે કાર્યરત કર્મચારી શ્રી સોમાભાઈ કે. ગામીત વય નિવૃત થવાથી તેમનો વિદાય સમારંભ રાખવામાં આવ્યો.
શ્રી, ભાલચંદ્ર આર. પાટીલ નિવૃત પોસ્ટ માસ્તર વ્યારાએ શાલ ઓઢાડી તેમનું બહુમાન કર્યું. શ્રી નવીનભાઈ યુ. ગામીત વ્યારાનાં કાર્યરત પોસ્ટ માસ્તરે સ્મૃતિભેટ અર્પણ કરી, વ્યારાનાં પોસ્ટલ કર્મચારી શ્રી શેહઝાદ મન્સૂરીએ તથા શ્રીમતિ અમીષાબેન જે. શાહ (મહિલા બચત એજન્ટ તરફથી) પુષ્પગુચ્છ અર્પણ કરી તેમની સેવાને બિરદાવવામાં આવી. સભાને અંતે નિવૃત કર્મચારીને એકધારી સેવા 42 વરસ થકી વફાદારી પુર્વક સેવા કરવા બદલ તેમને શ્રી ધનસુખભાઇ ગામીત તરફથી અભિનંદન આપવામાં આવ્યા.
સમારંભનાં અંતમાં શ્રી ભાલચંદ્ર આર. પાટીલ નિવૃત પોસ્ટ માસ્તર તથા હાલના પોસ્ટ માસ્તર શ્રી નવીનભાઈ યુ. ગામીત તરફથી સોમાભાઈ કે. ગામીતનું નિવૃત જીવન સારી રીતે પસાર થાય તેવી શુભેચ્છા વ્યક્ત કરવામાં આવી.
About The Author
