માંગરોળ : જિલ્લા-તાલુકા પંચાયતની બેઠક માટે નવયુવાનો તરફથી ટીકીટની કરાયેલી માંગણી
(નઝીર પાંડોર દ્વારા, માંગરોળ) : જિલ્લા-તાલુકા પંચાયતની મુદ્દત પુરી થઈ ગઈ છે.અને આગામી થોડા સમયમાં ચૂંટણી યોજવા માટે ચૂંટણી પંચ તરફથી જાહેરનામું પ્રસિધ્ધ કરવામાં આવશે. ત્યારે નવ યુવાનો તરફથી સુરત જિલ્લા પંચાયત અને માંગરોળ તાલુકા પંચાયતની બેઠકો માટે ટીકીટનું માંગણીઓ કરવામાં આવી છે. જેમાં માંગરોળ તાલુકાની નાનીનરોલી જિલ્લા પંચાયત બેઠક ઉપર નાનીનરોલી ગામના સોહેલ શબ્બીર જાડા(જર્મન) ની માતા ફાતમબીબીએ પ્રમુખ, માંગરોળ તાલુકા કોગ્રેસ સમિતિને એક પત્ર પાઠવી જણાવ્યું છે કે અમો વર્ષોથી કોંગ્રેસના કાર્યકર તરીકે કામ કરી રહ્યા છે. સને ૨૦૧૦ થી ૨૦૧૫ સુધી મેં માંગરોળ, તાલુકા પંચાયતમાં કોગ્રેસના સિમ્બોલ પર થી ચૂંટણી લડી જીત મેળવી હતી. અમારા ગામમાં ઓએનચ હજાર કરતાં વધુ મતદારો છે. મેં સૌથી વધુ ૮૦૦ કરતાં વધુ મતો મેળવી બેઠક જીતી હતી. ત્યારે હવે મારા પુત્રને નાનીનરોલી જિલ્લા પંચાયતની બેઠક ઉપર ટીકીટ આપવામાં આવે એવી માંગ કરી છે. જ્યારે માંગરોળ તાલુકાના વાંકલ ગામનાં વેપારી મંડળના આગેવાન તથા માંગરોળ તાલુકા ખેતીવાડી ઉતપન્ન બજાર સમિતિનાં ડિરેકટર અંકીતકુમાર ચેતનભાઇ શાહએ માંગરોળ, તાલુકા પંચાયતની વાંકલ બેઠક ઉપર થી ભારતીય જનતા પાર્ટીમાંથી ટીકીટની માંગ કરી છે. એમણે આ અંગે પ્રમુખ, માંગરોળ તાલુકા ભારતીય જનતા પાર્ટી ને એક પત્ર પાઠવી ટીકીટની માંગ કરી છે.
About The Author
