માંગરોળ : કરફ્યુનાં સમયમાં, માસ્ક વીનાં ભટકતાં એક શખ્સ સામે FIR દાખલ કરતી પોલીસ
ફાઈલ તસ્વીર
(નઝીર પાંડોર દ્વારા, મોટામિયાં માંગરોળ) : માંગરોળ તાલુકાનાં મોસાલી ચારરસ્તા ખાતે માંગરોળ પોલીસ મથકનાં પોલીસ જવાન પ્રફુલભાઈ સાકાર પેટ્રોલીંગમાં હતા,તે દરમિયાન એક શખ્સ કરફ્યુનાં સમય દરમિયાન ભટકતાં ઝડપાઇ જવા પામ્યો છે.
વહીવટીતંત્રે કોરોનાં વાયરસની મહામારીને પગલે વિવિધ જાહેરનામા પ્રસિધ્ધ કરેલા છે, જેમાં રાત્રીનાં સાત વાગ્યાથી સવારે સાત વાગ્યા સુધી કરફ્યુ રાખવામાં આવ્યો છે સાથે જ માસ્કવીના ફરનાર સામે પણ દંડ સહીતની કાર્યવાહી કરવાની પણ જાહેરનામમાં જોગવાઈ કરવામાં આવી છે, ત્યારે માંગરોળ તાલુકાના મોસાલી ચારરસ્તા ખાતે રાત્રી દરમિયાન પોણા આંઠ વાગ્યાની આસપાસ માંગરોળ પોલીસ મથકનાં પ્રફુલ સાકર પેટ્રોલીંગમાં હતા તે દરમિયાન સોડગામના આશિષ શાંતું વસાવા ભટકતો ભટકતો આવી રહયો હતો, તેને પોલીસે અટકાવી પૂછપરછ કરતાં સંતોષકારક કોઈ જવાબ ન આપતાં તથા એણે માસ્ક પણ ન પહેર્યું હોય માંગરોળ પોલીસે આ શખ્સની સામે જાહેરનામાનાં ભંગ બદલ એફ.આઈ. આર. દાખલ કરી છે.અત્રે ઉલ્લેખનીય છે કે માસ્ક વીનાં શખ્સ સામે એફ.આઈ. આર. દાખલ કરવાની માંગરોળ પોલીસ મથક ખાતે પ્રથમ એફ.આઈ. આર. દાખલ થઈ છે.
About The Author
