શ્રી જે. બી. એન્ડ એસ. એ. વ્યારાનું ગૌરવ
(પ્રતિનિધિ દ્વારા, વ્યારા) : રાજ્ય કક્ષાએ યોજાનાર વિજ્ઞાન – ગણિત પ્રદર્શન તારીખ 01 – 12 – 2019 થી 04 – 12 – 2019 દરમિયાન પાલિતાણા મુકામે યોજાયું હતું. જેમાં વ્યારા સ્થિત શાળા શ્રી જે. બી. એન્ડ એસ. એ. હાઇસ્કુલના ઉચ્ચતર માધ્યમિક વિભાગનાં વિદ્યાર્થીઓ સોનાર રોહન અને ગામીત સાજને ભાગ લીધો હતો. શ્રી જે. બી. એન્ડ એસ. એ. હાઇસ્કુલના વિદ્યાર્થીઓએ સિકલ સેલ એનિમિયા “ અંગે પ્રાથમિક સર્વે કરી પ્રોજેક્ટ તૈયાર કર્યો હતો. જેમાં રાજ્યકક્ષાના શિક્ષણ મંત્રી શ્રી ભુપેન્દ્રસિંહ ચુડાસમા સાહેબ દ્વારા મુલાકાત લેવામાં આવી હતી. શ્રી જે. બી. એન્ડ એસ. એ. હાઇસ્કુલના ઉચ્ચતર માધ્યમિક વિભાગનાં બાયોલોજી શિક્ષિકા ડો . કેતકીબેન શાહ દ્વારા વિદ્યાર્થીઓને માર્ગદર્શન પૂરું પાડવામાં આવ્યું હતું. શાળાના આચાર્યશ્રી નરેશભાઈ ગામીત સાહેબે વિદ્યાર્થીઓને પ્રોત્સાહિત કરી અભિનંદન પાઠવ્યા હતા .
About The Author
